شاہد خاقان عباسی ءِ کوئٹہ ائیر پورٹءِ دراجی منصوبگ ءِ بنداتی مراگش ءَ گوں گوشتانک

کوئٹہ۔30مئی(اے پی پی) وزیراعظم پاکستان شاہد خاقان عباسی ءَ گوشت کہ کوئٹہ ءِ ھوار ملک ءِ دراھیں صوبائی بنجاھ ءِ بالی پٹ ءَ را اپ گریڈ کنان نوکتریں آسراتی ءَ گوں ہمگرنچ کنگ بوتگ ۔کوئٹہ ائیر پورٹءِ پراھی ءِ منصوبگ ءِ تہ ڈیزائن ءُُ تکنینکی جنجالانی ابید 2ارب کلدار ءَ گوں سرجم کنگ بوتگ ات ایشی ءَ چہ بلوچستان ءِ تہ معاشی دیمروئی ءُُ راج ءَ را آسراتی پھجارگءِ یک نوکیں تاک ءِ ودکی اتکگ۔اے منصوبگ ءِ سرجمی ءَ چہ 777ءِ ھوار درملکی پروازانی آمد ءُُ رفت ممکن بیت۔اے ائیرپورٹ بلوچستان ءِ دیمروئی ءِ تہ ھاسیں کرد ادا کنت بلوچستان حکومت ءُُ مھلوک ءَ را مراد بات دیاں کہ اے وڈیں آسراتی ہمہ کہ اے دمگی مردمانی حق اتنت مروچی ایشاں دست ءَ انت۔اے ھیالانی درشان آہاں چار شمبے ءَ کوئٹہ انٹرنیشنل ائیرپورٹ ءِ پراھی ءِ منصوبگ ءُُ نوکیں ٹرمینل بلڈنگ ءِ افتتاحی مراگش ءَ گوں تران کنان ءَ گوشت ات۔اے ساعت ءَ گورنربلوچستان محمدخان اچکزئی ،سروزیر بلوچستان میرعبدالقدوس بزنجو ،بنجاہی وزیرانوشہ رحمان ءُُ مصدق ملک ھم ساڑی اتنت۔مزن وزیر ءَ گوشت کہ کوئٹہ ءِ ھوار ملک ءِ دراھیں ایئرپورٹس ءِ تہ نوکتریں آسراتی پھجارگ ءُُ میاں اوستمانی تبک ءَ جوڈ کنگ بوھگ انتت۔ اسلام آباد ءُُ پشاور ءِ تہ ھم نوکتریں بالی پٹ ءَ کار بناء کتگ ات وھدیکہ ملتان بالی پٹ منصوبگ سرجم کنگ بوتگ انت سیالکوٹ ءَ جندی شوبگ ءِ ردا دگنیا ءِ نوکتریں بالی پٹ جوڈ کتگ ات ایشی ءَ چہ میاں اوستمانی پرواز چل انت۔مزن وزیر ءَ گوشت کہ مسلم لیگ(ن) ءِ حکومت ءَ دیمروئی کار بناء کتگ ات ءُُ سرجم کتگ انت اے محمد نواز شریف ءِ وژن ءُُ مسلم لیگ (ن) ءِ وژن ات،بلوچستان ءِ دیمروئی پاکستان ءِ دیمروئی ات مہ دراھیں ھوار بوت بلوچستان ءِ دیمروئی ءِ ھاترا کار ءَ برجاہ داریں مروشی بلوچستان ءِ تہ امن اتکگ انوں دیمروئی ءِ رد برجاہ دارگی انت۔آہاں گوشت کہ بلوچستان ءِ وسیلگ صوبگ ءِ دیمروئی ءِ تہ ھاسیں کرد پیلو کت کن انت ۔آہاں گوشت کہ نیک نیتی ءَ گوں صوبگ ءِ دیمروئی ءِ ھاترا کار کنگ بیت ایشی ءَ چہ بلوچستان درستاں چہ گیش وشھال بیت ۔آہاں گوشت کہ مسلم لیگ (ن) ءَ مھلوک ءِ ہزمت کتگ ءُُ انوں25جولائی ءَ پیسلہ راج ءِ دست انت ۔ایشی ءَ چہ پیش ءَ مزن وزیر ءَ 2ارب کلدار ءِ ھرچ ءَ گوں کوئٹہ بالی پٹ ءِ پراھی منصوبگ ءُُ نوکیں ٹرمینل ماڑی ءِ افتتاح کتگ۔اے مو ءَ سیکرٹری سول ایوی ایشن اتھارٹی ڈاکٹر اعجاز منیر ءَ کوئٹہ ائیر پورٹءِ پراھی منصوبگ ءِ ہمگرنچ مزن وزیر ءَ را سرپدی داتگ۔