اسلام آباد۔ 30 مئی (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی کیڈ ڈویژن نا شونداری کاریم تے کن 2 ارب 65 کروڑ 85لکھ روپئی آن زیات نا فنڈ جاری کرینے، حکومت دا ڈویژن نا شونداری کاریم تے کن اینخو مالی سال اٹی 5 ارب 18 کروڑ روپئی آن زیات نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت پمز اٹی بون میروٹرانسپلانٹ سینٹر نا جوڑ کننگ کن 50 لکھ، اسلام آباد اٹی ہائی اسکول آتا اپ گریڈیشن کن 10 کروڑ، اسلام آباد اٹی وزیراعظم پیکج نا رداٹ 200 اسکول آتا زیب و زینت و اپ گریڈیشن کن اسہ ارب 74 کروڑ، پمز اٹی ڈائگناسٹک سینٹر نا اپ گریڈیشن کن 10 کروڑ ، پاک سیکرٹریٹ اٹی مسجد نا اپ گریڈیشن کن 18 کروڑ روپئی تون اوار چندی شونداری ڈٹ آتے کن فنڈ جاری کرینے۔
