اسلام آباد۔ 30 مئی (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی کامرس ڈویژن نا شونداری کاریم تے کن 48 کروڑ 50 لکھ روپئی آن زیات نا فنڈ جاری کرینے، حکومت داڈویژن نا شونداری کاریم تے کن اینخو مالی سال اٹی اسہ ارب 20 کروڑ روپئی آن زیات نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت ایکسپو سینٹر پشاور کن 42 کروڑ و لاہور اٹی پاکستان انسٹیٹیوٹ آف فیشن اینڈ ڈیزائن کن 6 کروڑ 50 لکھ روپئی تون اوار چندی شونداری ڈٹ آتے کن جاری کرینے۔
