اسلام آباد۔ 29 مئی(اے پی پی) مسلم لیگ (ن) ءِ راھشون ءُُ پیسریگیں مزن وزیر نواز شریف ءِ جِنک مریم نواز ءَ گوشت کہ منی قصورنواز شریف ءِ جنگ بوھگ انت‘ نواز شریفءَ را پریشان کنگ ءَ پہ من ءَ تنگ کنگ بوھگ انت‘من نواز شریف ءِ تاگت ءُُ راج ءِ جنک اوں‘ پاکستانءِ سر جہل بوھگ نیلاں۔سئے شمبے ءَ پنجاپ ہاوس ءَ وتی پِت پیسریگیں مزن وزیر نواز شریف ءِ ہمراہی ءَ پریس کانفرنس ءِ تہ ھسابداد آمیدگس ءِ تہ داتگیں بیان گوش دار کنائینتءُُ گوشت کہ گوستگیں روچ ءَ سئے روچ منی پسو ھسابداد آمیدگس ءَ ریکارٹ کنگ بوتگ انت۔منی سرا یک جستے ایش ات کہ اے مقدمہ منی سرا چے ھاترا جوڈ کنگ بوتگ انت۔اے جستے پسو من راجے دیما ایرکناں۔ آہاں گوشت کہ سپریم کورٹ ءِ ہمہ کہ پیسلہ اتکگ ہمہ وھد ءَ ھم جست ءُ پسو ہمہ اتنت ۔آہاں گوشت کہ پاکستان ءِ 70سالءِ راجدپتر ءَ ماتیں وتن ءِ کسے زالبول ،مات،گہارءُُ جِنک ءَ را ہمکتر پیشی دیگ نہ بوتگ انت۔آہاں گوشت کہ منی قصور اے نیست ات کہ من کرپشن کت،کجام کرپشن ءَ ھوار بوتگاں،ہچ دُزی ءِ کت،ہچ ڈنگے جتگ،من تو کجام سرکاری اگدھ ءِ سرا ھم فائز نہ بوتگاں۔منی قصور ایش ات کہ من نواز شریف ءِ جنک بوتگاں،منی قصور اے ھم انت کہ پاکستان ءِ دلیریں بچک آنی وڈ ءَ وتی پت ءِ گوما اوشتاتگوں۔آہاں گوشت کہ من سرپد ءَ کہ اے مقدمہ ءُُ ریفرنسز ءِ پندل ءِ سبب ءَ منی پت ءِ اعصاب ءِ سرا پریشر مان کنگ بوھگ انت‘ منصوبگ ساچ سرپد انت کہ پِت ءُُ جِنک ءِ رشتہ باز نازک بوھگ انت۔آہانی ھیال انت کہ کسے پریشر ءَ نہ آوکیں نواز شریف ،ہر جبر ءِ دیما سینگ داروکیں نواز شریف،بندوق ءِ ساھگ ءَ جار جنوکیں نواز شریف،کہ تیر ءَ جنے من دزکش نہ باں۔سرجمیں دگنیا ءِ دھمکی ءُُ لالچ ءَ دور دات ءُُ ایٹمی تراک کنوکیں نواز شریف ،جرات ءَ گوں پرویز مشرف ءِ زلم سگگ والا نوازشریف،پندل جوڈ کت کہ ایوکا یک وڈ ءَ چیر دیگ بیت کہ ایشی ءِ جنک ءَ را جے آئی ٹی ءِ دیما آرگ بیت۔آہاں گوشت کہ منی پت 70سال ءِ نادراہی آنی ھلاپ ءَ جہاد ءِ بیرک زرت میدان ءَ درآتکگ ات ۔آں مھلوک ءِ حاکمی ءِ بیرک زرت دراتکگ انت ،آں کرشی ءُُ حاکمی ءِ ھاترا نہ بلکہ ووٹ ءَ را شرپ دیگ ءَ پہ دراتکگ انت۔آہاں گوشت کہ یک مزنیں آشوب ،یک مزنیں بدلی ءِ ھاترا میدان ءَ دراتکگ ات۔پاکستان ءِ تہ ووٹ ءِ عزت ءِ سرا یقین ایرکنوکیں ہر مردم نواز شریف ءَ گوں ھوار انت۔ من اے جہاد ءَ آہاں گوں اوشتاتگ اوں۔اے ھاترا ھم آہانی جنکاں ءُُ اے ھاترا ھم پاکستان ءِ جنکاں ایشی ءَ را دگنیا ءَ تماشہ جوڈ کنگ بوتگ۔آہاں گوشت کہ مئے دین ،تہذیب،اقدار ءُُ روایات ءِ تہ جنکءَ را یک ھاس مقام حاصل انت۔ اللہ ءِ فضل ءُُ کرمءَ گوں سرگ بُرز کت آہاں گوں پجی ءَ اوشتاتگ ات ءُُ ہر چکاس ءَ آہاں گوں ھوار بباں۔آہاں گوشت کہ نواز شریں ءِ باز ڈوھ بنت‘بازگناہ بنت‘ آہاں پاکستان ءِ رکھگ سدکی جوڈ کت ۔ایشی ءَ پاکستان ءَ را نوکتریں انفراسٹرکچر داتگ۔ایشی ءَ پاکستان ءِ تہ نوکتریں شاھدگ ءُّ موٹرویز ءِ جال چیر داتگ۔ایشی ءَ بلوچستانءَ را بدامنی ءَ چہ در کشت ءُُ امن ءُُ سکون داتگ۔ ایشی ءَ کراچی ءِ رونق بحال کتگ ات۔ایشاں دیوالیہ بیوکیں معیشت ءَ گہتر کتگ۔ایشی ءَ ورناہاں ءُُ بے روزگاراں پہ روزگار ءِ موہ پچ کتگ انت۔آئی ءَ 19سال ءِ پدا مردم شماری کنائینتگ۔آہاں 70سال ءِ پدا فاٹا ءَ را راجی دھارہ ءَ ھوار کت۔ایشی ءَ ماتیں وتن ءِ کوراسی دور کتگ انت توان ءِ پیداوار ءِ تہ دھ ہزار میگا واٹ ءِ ودکی کتگ۔ایشاں ناشرکاری ءِ ھلاسی کتگ۔ایشی ءَ سی پیک ءِ دروشم ءَ پاکستان ءَ را ارباں ڈالر ءِ زرکاری داتگ۔نواز شریف ءَ پاکستانی راج ءَ را امیت ءُُ سدکی ءِ روژنی داتگ ءُُ اولی وڈ ءَ یک ڈکٹیٹر ءَ را کانود ءِ شکنجہ مان کتگ۔اے دراھ ایشی ءِ ڈوھ انت۔اے ھاترا آں امیدگسانی چکر کاٹ کنگ ات۔آہاں گوشت کہ منی قصور ایوکا ایش انت کہ من نواز شریف ءِ جنک ءُُ پاکستان ءِ جنک بستار ءَ چہ ہر سزا ءُُ جزا ءِ ھاترا تیار استاں،منی ایمان انت کہ درستاں چہ مستریں عدالت ایوکا ھداوند ءِ عدالت انت۔ہمہ عدالت کہ اُودا ہچ واٹس ایپ کالز نیست ات ،اُودا کہ ہچ جے آئی ٹی جوڈ نہ بوھگ انت،اُودا کسے گواہ ءِ ضلورت نبوت۔من ءَ یقین ات کہ شمے عدالت پیسلہ دیگ ءِ وھد ءَ ہما مزنیں عدالت ءَ را الم یات ایر داریت۔
