اسلام آباد۔ 29 مئی (اے پی پی) قومی اسمبلی پائیدار شونداری ہدف آتا دوئی کننگ کن ٹاسک فورس انا جوڑ کننگ، پارلیمنٹ ہاؤس اٹی سیکرٹریٹ نا جوڑ کننگ و دارداٹ کانود سازی آ اسپیکر قومی اسمبلی سردار ایاز صادق ، مچ آ پارلیمنٹ و سیاسی جماعت آتے مبارکباد پیش کرسا است جمی نا درشانی ءِ کرینے۔ سے شنبے نادے قومی اسمبلی ٹی بنجائی وزیر اطلاعات ، نشریات ، قومی تاریخ و ادبی میرات مریم اورنگزیب قرارداد پیش کرسا پارے کہ پارلیمنٹ ہاؤس اٹی پائیدار شونداری ہدف آتا دوئی کننگ کن سیکرٹریٹ نا جوڑ کننگ ءِ عمل اٹ اتنگانے ہراڑآ نن اسپیکر، پارلیمنٹ نا باسک و سیاسی جماعت آتے مبارکباد پیش کینہ۔ پائیدار شونداری ہدف آتا دوئی کننگ کن ٹاسک فورس و سیکرٹریٹ نا جوڑ کننگ خوش آئند ءِ۔
