اسلام آباد۔ 29 مئی (اے پی پی) صدر آزاد جموں و کشمیر سردار مسعود خان پارینے کہ افریقہ ، دے ٹک نیامی ، لاطینی امریکہ و سویلی ایشیا نا جھیڑہ غاتا سوب جہانی امن ءِ خلیس مون تروک ئس، و او دا چرجوئی ٹی یورپ نا درگہ ءِ ملنگ خوائسرہ۔ اسہ بھلو جہانی جنگ اسے نا خلیس ئس ہرادے ہر بہاء آ توننگ المی ئس انتئے کہ ہندا ہندی جھیڑہ غاک علاقائی و جہانی جنگ انا دروشم اس اختیار کیرہ۔ داخیال آتا درشانی ءِ صدر داڑے انٹرنیشنل انسٹیٹیوٹ آف پیس اٹی اکیڈمک کونسل آن یونائیٹڈ نیشنز سسٹم،ڈیلر میٹک اکیڈمی اینڈ ویانہ اسکول آف انٹرنیشنل سٹیڈیز نا کنڈآن انٹرنیشنل پیس اسٹڈیز کانفرنس نا ارٹ میکو سیشن نا کماشی ءِ کرسا تینا تران اٹی کرے۔ صدر سردار مسعود خان پارے کہ جھیڑہ غاتا ایسری کن ہڑتوم آ پارٹی تا نیام اٹ پت انا مننگ المی ءِ۔ واک انا کاریم اٹ اتنگ نا جاگہ غا مذاکرات و اقوام متحدہ نا وساطت اٹ جھیڑہ غاتا پائیدار ایسری اس بایدے پٹنگے۔
