اسلام آباد۔ 29 مئی (اے پی پی) این سی ایچ ڈی نا چیئرپرسن و مسکوہی سینیٹر رزینہ عالم خان پارینے کہ سویلی ایشیاء نا ملک آتیٹی اسہ تہائی اس چناتا اسکول آن پیشن ءُ، ہنداوڑ تعلیمی مواد آن دا ثابت مریک کہ پاکستان اٹی 40 درسد چنااسکول آتیان پیشن ءُ ہرافتے ٹی مارتا نسبت مسنک زیات اوار ءُ، پرائمری کلاس اسکان نن گچین رسمی تعلیمی نظام اس جوڑ کرینن ولے دا نظام 5کروڑ 70 لکھ بے خوانوک و 64 لکھ اسکول آتیان پیشن مروک آ چناک ہرافتا وئی (10 آن 14) سال ءِ کن بس اف ولے نن داسہ ہم 90 درسد شرح خواندگی دوئی کننگ اٹ بھاز پدی سلیسونن، ہنداخاطرآن ننے بایدے مرے کہ نن غیر رسمی تعلیم ءِ متحرک کین و رسمی و غیر رسمی تعلیمی نظام نا کمک اٹ بے پورو ایجنڈا ءِ پور و کننگ کین۔ او غیر رسمی تعلیم آ اسلام آباد فورم نا مسٹ میکو دیوان آن تران کریکہ۔
