اسلام آباد۔ 29 مئی (اے پی پی) ڈپٹی چیئرمین پلاننگ کمیشن سرتاج عزیز پارینے کہ حکومت ملک اٹی توانائی نا تنکی نا چٹفنگ و ٹرانسپورٹ و مواصلات نا بشخ آتا گچینی کن پبی گام گیج کننگ ءِ، گدرینگوک آ پنچ سالہ دور حکومت اٹ 10 ہزار میگاواٹ آن زیات بجلی قومی گریڈ اٹ اوار کننگانے ہرانا سوب ملک اٹی لوڈشیڈنگ نا چٹفنگ اٹ خاطر خواہ کمتی مسنے۔ داخیال آتا درشانی ءِ او تدوک آ دے سینٹرل ڈویلپمنٹ ورکنگ پارٹی نا دیوان آن تران کرسا کرے۔ دیوان اٹی توانائی نا 3 ڈٹ پیش کننگا ہرافتے ٹی 2کھرب 34 ارب 92کروڑ 58 لکھ 9 ہزار روپئی نا خڑچ انا چشمہ نیو کلیئر پاور پروجیکٹ یونٹ 3 و 4انا ڈٹ ءِ دیوان گڈیکو منظوری کن ایکنک آ گدریفے وخت اس کہ جھمپر۔ون 220 کے وی گریڈ اسٹیشن اٹی پائلٹ بیٹری انرجی اسٹوریج سسٹم نا تنصیب کن 83 کروڑ 67 لکھ 4ہزار روپئی و 3 ارب 9 کروڑ 86 لکھ 12 ہزار روپئی نا خڑچ انا درگئی ہائیڈرو الیکٹرک پاور اسٹیشن نا ڈٹ آتے منظور کننگا۔ دیوان اٹی ٹرانسپورٹ اینڈ کمیونیکشن نا 6 ڈٹ پیش کرے ہرافتے ٹی خیبر پختونخوا ٹی اقتصادی راہداری کن 8 ارب 35 کروڑ 7 لکھ روپئی، شیر شاہ سوری روڈآن ہلیس بیگم کوٹ شیخو پورہ و مرید نا روڈ اسکان جوڑ جاڑ و اپ گریڈیشن کن 4 ارب 72 کروڑ 20 لکھ 24ہزار روپئی، پشاور تورخم موٹروے ڈٹ انا جوڑ جاڑ کن 41 ارب 44 کروڑ 5لکھ روپئی، مردان آن صوابی اسکان روڈ ءِ اِرا رویہ جوڑ کننگ کن 9 ارب 55کروڑ روپئی، پاکستان ریلوے نا ساڑی آ ایم ایل ون و حویلیاں نا خڑک خشک بندرگاہ نا اپ گریڈیشن کن 381038 ملین روپئی، کورال انٹرچینج آن جی ٹی روڈ اسلام آباد نا نیام اٹ اسلام آباد ہائی وے نا کنٹرول رسینگ راہداری نا جوڑ جاڑ کن 10 ارب 75 کروڑ 3 لکھ روپئی نا ڈٹ پیش کننگا ہرافتے دیوان گڈیکو منظوری کن ایکنک آ گدریفے۔
