جسٹس (ر) ناصر الملک آوکیں ادارکی مزن وزیر بنت
حکومت ءُُ اپوزیشنءِ میان ءَ تپاکی بوتگ
جار مزن وزیر ،قائد حزب احتلاف ءُُ سپیکر راجی اسمبلی ءَ یکجاھیں پریس کانفرنس ءِ تہ کتگ
اسلام آباد ۔ 28 مئی (اے پی پی) حکومت ءُُ اپوزیشنءِ میان ءَ آوکیں ادارکی مزن وزیر ءِ ھوالہ ءَ گوں تپاکی بوتگ۔ایشی ءِ ردا جسٹس (ر) ناصر الملک آوکیں مزن وزیر بنت۔دوشمبے ءَ پارلیمنٹ ہاوس ءَ مزن وزیر شاہد خاقان عباسی ءَ سپیکر راجی اسمبلی سردار ایاز صادق ءُُ قائد حزب احتلاف سید خورشید احمد شاہ ءِ ہمراھ پریس کانفرنس کنان ءَ گوشت کہ پاکستانءِ جمہوری راجدپتر ءِ ھاسیں روچ انت چیاکہ آوکیں ادارکی مزن وزیر ءِ نام ءِ سر اتپاکی بوتگ ات۔اے معاملہ ءِ سرا قائد حزب احتلاف ءَ گوں لہتیں گند ءُُ نند بوتگ انت۔ تقریباً شش ھپتگ ءَ داں حکومت ءُُ اپوزیشن ءِ میان ءَ شؤر ءُُ سلہ بوتگ ات۔اے وڈ ءَ مہ وتی گلے گوما شؤر ءُُ سلہ کت ءُُ لیڈر آف اپوزیشن ءَ ھم وتی گلے ءِ گوما اے گند ءُُ نندانی باروا شؤر ءُُ سلہ کتگ۔آہاں گوشت کہ ادارکی مزن وزیر ءِ بستار ءَ ہمہ نام ءَ کہ گڈی دروشم دیگ بوتگ آہانی کردار باز پلگار انت۔کسے ھم آہانی کردار ءِ سرا لنکک چست کت نہ کنت۔مزن وزیر ءَ گوشت کہ مہ سپیکر سردار ایاز صادق ءِ ھم منت ءَ گراں کہ آہاں اے دراھیں معاملہ ءِ سرا وتی آئینی کرد پیلو کتگ۔ایشی ءَ چہ پیش ءَ سپیکر بنجاہی اسمبلی سردا ر ایاز صادق ءَ گوشت کہ ادارکی مزن وزیر ءِ معاملہ سوچ ءُُ بچار ءَ گوں گیشینگ بوتگ۔اے راجدپتری پیسلہ ات ءُُ جمہوریت ءِ سوبمندی ءِ نشان انت۔اے پاکستان ءُُ جمہوریت دوئینانی حق ءَ پائدگ مند انت۔آہاں گوشت کہ آوکیں وھد ءَ اے گپ پدر بیت کہ اے پیسلہ جمہوریت ءُُ پاکستان ءِ حق ءِ تہ انت ءُُ اییشی ءِ یک شل ءَ حق ءَ انت ایشی ءَ پہ جہد کنگ انت۔ قائد حزب اختلاف سید خورشید احمد شاہءَ گوشت کہ مزن وزیر ءُُ سپیکر ءِ منت ءَ گراں چیاکہ ادارکی مزن وزیر ءِ ھوالہ ءَ چہ پیسلہ باز ھاس اتنت۔آہاں گوشت کہ اے معاملہ ءِ سرا بازیں گپ جنئگ بوتگ ات کہ سیاستدان وتی پیسلہ ءَ وت کت نہ کنگ انت، ہمیشہ پیسلہ ڈن ءَ بوھگ انت۔اے ھوالہ ءَ گوں مئے مزن وزیر شاہدخاقان عباسی ءِ گوما لہتیں گند ءُُ نند بوتگ انت،ہمہ مردمانی کہ نام دیما اتکگ انت دراھ شرپ مند انت،مئے جہد ات کہ اے رنگیں پیسلہ بیت کہ پاکستان ءِ راج ءُُ دراھیں سیاسی گلاں ءَ را قبول بیت۔اے زانگ مہ بیت کہ ھاکمیں گل وتی پیسلہ ءَ زوراکی ءَ مان کنگ انت۔آہاں گوشت کہ من وتی گلے ھم منت ءَ گراں اے ھوالہ ءَ ءَ چہ ہمہ گائیڈ لائن گل ءَ داتگ ات ایشی ءِ ردا مہ حکومت ءَ گوں گپ ءُُ تران کتگ ات۔آہاں گوشت کہ پیپلز پارٹی ءَ دگہ اپوزیشن گلاں گوں ھم شؤر ءُُ سلہ کت ۔مزن وزیر شاہد خاقان عباسی ءُُ سپیکر بنجاہی اسمبلی سردار ایاز صادق ءِ ھم شکرگزار اں کہ مہ جزبات ءُُ جوش ءِ ابید صبر ءُُ تحمل ءَ گوں پیسلہ کتگ۔آہاں گوشت کہ حکومت ءُُ اپوزیشن ءِ میان ءَ آوکیں ادارکی مزن وزیر ءِ ھاترا پیسریگیں چیف جسٹس ناصرالملک ءِ نام ءَ تپاک بوتگ۔آمیدگسی راجدپتر ءَ ایشانی مزنیں کرد ءِ ات۔ھُداوند کریم ءَ چہ دعا ات کہ ایشانی جوزگ ءُُ ہمت ءَ دات کہ 25 جولائیءَ ساپ ءُُ پلگاریں گچینکاری ءَ کنائینت۔آوکیں لس گچینکاری ملکی راجدپتر ءِ تہ باز ارزشت دارانت۔مزن وزیر سیاسی گلاں،رسانکدرانی ھوار مہ دراھ ءِ امیت انت کہ آوکیں لس گچینکاری ساپ ءُُ پلگار ءُُ منصفانہ بنت۔وشی ءِ گپ ایش انت کہ مہ پنچ سال ءِ آئینی وھد ءُُ پاس سرجم کنگ انتءُُ اے ھم گمان انت کہ یک رندے پدا پُر ایمنی انتقال اقتدار بیت۔ایشی ءَ چہ پیسر ءَ 2008ءَ چہ 2013ء، 2013ءَ چہ 2018ءَ تاں ھم یک گرانیں سفر سرجم کتگ۔ھُداوند مار ءَ باندات ءَ ھم ہمت ءَ دات کہ مہ اے چیلنجانی مقابلہ کت کنیں۔گمان انت کہ ہمہ کہ گل آوکیں گچینکاری سوبمند بیت آں ملک ءِ ھاترا ھاسیں کرد پیلو کنت۔یک جستے پسو ءَ آہاں گوشت کہ ادارکی مزن وزیر ءِ ھاترا شش نام اتنت ایشاں چہ چار نام ءِ سرا باست ءُُ واست کنگ بوتگ۔میڈیا ءَ ھم اے نام اتکگ ات بلے جسٹس (ر) ناصر الملک ءُُ جلیل عباس جیلانی دو نام اے رنگیں ات کہ میڈیا ءِ دیما نہ اتکگ ات۔مزن وزیر شاہد خاقان عباسی ءَ یک جستے پسو ءَ گوشت کہ کلیں نام ءَ چار ءُُ تپاس کنگ بوتگ بلے جسٹس ناصر الملک ءِ نام ءِ سرا پیسلہ تپاکی ءَ گوں بوتگ ایشی ءِ سرا کسے ھم لنکک چست مہ کتگ۔
