اسلام آباد۔ 28 مئی (اے پی پی) بنجائی وزیر ریلوے خواجہ سعد رفیق جسٹس (ر) ناصر الملک نا پن آ سیاسی امنائی ءِ خوش آئند گوندسا پارے کہ نگران وزیراعظم نا پن آ امنائی آئین و جمہوریت نا حکمرانی نا کنڈآ اہم ءُ گام اسے۔ اوراجی رابطہ نا ویب سائٹ ٹوئٹر آ پارے کہ اللہ کریم ناصر الملک ءِ بروخت آزادانہ و غیر جانبدارانہ گچین کاری تا اڈتننگ نا توفیق عطاء فرمائفے۔ اویوم تکبیر نا بابت ٹوئٹ کرسا پارے کہ پاکستانی قوم ءِ یوم تکبیر مبارک مرے، نواز شریف حکومت بے پناہ جہانی دبا نا ڈٹ کر مقابلہ ءِ کرے ، بھلا واک آتا دھڑکو تے مسترد کرے ۔
