اسلام آباد۔ 28 مئی (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی صنعت و پیداوار ڈویژن نا شونداری ڈٹ آتیکن جم وڑاٹ داوخت اسکان اسہ ارب 3 کروڑ روپئی آن زیات نا فنڈ جاری کرینے، حکومت داڈویژن نا شونداری پروگرام تیکن جم وڑاٹ 2 ارب 73 کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت سیالکوٹ اٹی پراڈکٹ ڈویلپمنٹ سنٹر کن 13 کروڑ 45لکھ، نوشیرو فیروز اٹی پراسیسنگ سنٹر کن 16 کروڑ، حب انڈسٹریل اسٹیٹ واٹر سپلائی اسکیم اکن 11 کروڑ 18 لکھ، بوستان انڈسٹریل اسٹیٹ نا جوڑ کننگ کن 21 کروڑ 17 لکھ روپئی تون اوار چندی شونداری کاریم تیکن فنڈ جاری کرینے۔
