اسلام آباد۔ 28 مئی (اے پی پی) علامہ اقبال اوپن یونیورسٹی نا شعبہ فزکس وائس چانسلر پروفیسر ڈاکٹر شاہد صدیقی نا خصوصی پارت آ طالب علم آتا ریسرچ نا بنداو آ تیار کروک ’’پروجکٹس‘‘ نا نمائش ءِ اڈ ترفنگ نا کاریم ءِ ہڑدڑی بنداو تیا ترند کرینے، اومیت ءِ کہ عئید انا چھٹی تیان پد دا نمائش ءِ اڈ تننگک۔ ہردے نا زند اٹ کاریم اٹ بروک طالب علم آتا تیار کروک کم و ود پنجا باالکل پوسکن ءُ پروجکٹس نمائش اٹ تخنگک۔ طالب علم آتے راجی ویل آتون وابستہ پٹ وپول نا کنڈآ دننگ کن اسکالرز آتا آئیڈیا غا مبنی پوسٹرز ہم ڈسپلے کننگک۔ فیکلٹی آف سائنس ناڈین، پروفیسر ڈاکٹر سید طفر الیاس نا رداٹ ملک انا ہر کنڈاٹی ساڑی یونیورسٹی نا شعبہ فزکس نا طالب علم آتے تخلیقی کاریم شوکیس کرفنگ نا سلہ خلنگک۔
