اسلام آباد۔ 27 مئی (اے پی پی) وزیراعظم شاہد خاقان عباسی گلگت آ سرمسنے، وزیراعظم ہاؤس آن جاری بیان نا رداٹ تینا دورہ ناوخت آ وزیراعظم شاہد خاقان عباسی گلگت بلتستان کانود ساز اسمبلی آن تران کیک و داکان بیدس وزیراعظم علاقہ ٹی چندی شونداری ڈٹ آتا بناءِ کیک ہرافتے ٹی گلگت آن نلتر روڈ انا اپ گریڈیشن ، سول سیکرٹریٹ نا جوڑ جاڑ نا اولیکو مرحلہ و گلگت بلتستان اسمبلی نا ماڑی نا جوڑ جاڑ نا ڈٹ آک اوار ءُ۔ شیڈول نا رداٹ وزیراعظم تینا بننگ آن پد گلگت نا چنارگارڈن اٹی شہید آتا یات گار آ حاضری ایتک، ہراڑے او یات گار آ پھل شاغک وگلگت بلتستان نا آجوئی نا جنگ انا شہید آتے کن فاتحہ خوانی کیک۔ گلگت بلتستان انتظامیہ وزیراعظم نا دورہ نا وخت آ جامع بست و بند کرینے۔
