اسلام آباد۔ 27 مئی (اے پی پی) پارلیمانی امور نا بنجائی وزیر شیخ آفتاب احمد پارینے کہ پاکستان مسلم لیگ (ن) نا حکومت فاٹا ءِ خیبر پختونخواٹی ضم کننگ کن انقلابی ءُ گام گیج چست کرینے۔ اٹک اٹی صحافی تتون ہیت وگپ کرسا اوپارے کہ پاکستان مسلم لیگ (ن) نا حکومت فاٹا ءِ بنجائی دنگ اٹ اتنگ کن گام گیج کرینے ہرانا سوب نن قبائلی الس نا پت ءِ دوئی کرینن۔ اوپارے کہ ننا جماعت قبائلی علاقہ غاتا شونداری کن پرعزم ءِ انتئے کہ فاٹا نا الس ءِ ملک انا ایلو بشخ آتیامبار آسراتی تا گرج ءِ۔ اوپارے کہ فاٹا نا بابت تاریخی کانود سازی نا زہم آک مچ آ ملک آ مرتب مریرہ۔
