پاکپتن۔ 27 مئی (اے پی پی) بنجائی وزیر دیر و بجلی عابد شیر علی پارینے کہ نواز شریف وخت اس ہم ملکی مفاد آتا برخلاف ہچ ءُ بیان اس تتنے دا بیرہ مخالف آتا پروپیگنڈا اسے، نواز شریف پاکستان نا سپاہی ءِ ، محمد نواز شریف اسہ محب وطن و سچاءُ پاکستانی اسے ، دُن انگا گڑاتے غلط ٹریٹ کننگ ملک و ہر پاکستانی کن نسخان دہ ءِ ، اللہ تعالیٰ پاکستان آ مسلط ویل آتیان بچفے، عمران خان خیبر پی کے اس پوسکن ءُ جوڑ کننگ کتو، عمران خان دوبہ و انتشار نا سیاست کرینے ، خیبر پی کے ٹی نئے کہ تعلیمی ادارہ اس جوڑ مس و نئے کہ ہسپتال اس جوڑ مس ، عمران خان خیبر کے پی نا خلقت تون فراڈ کرے۔ عمران خان پیدائشی فراڈی اسے۔ اللہ تعالیٰ پاکستان ءِ اونا شرآن بچفے۔ داخیال آتا درشانی ءِ او چرجوئی چشتیہ نا عظیم بزرگ حضرت بابا فریدالدین مسعود گنج شکرؒ نا دربار آ حاضری آن پد میڈیا تون ہیت وگپ اٹی پارے۔
