اسلام آباد۔ 27مئی(اے پی پی) علامہ اقبال اوپن یونیورسٹی چائنہ ۔ پاکستان اقتصادی کوریڈور(سی پیک) ءِ تعلیمی سپورٹ فراوان کننگ کن اسہ جامع ڈٹ اسے آ کاریم کننگ ءِ۔ ’’سی پیک نا بشخ انا وڑاٹ تعلیمی کوریڈور جوڑ کننگ حکومت نا کوشست ءِ ‘ اوپن یونیورسٹی قومی مفاد نا دا کوشست اٹی تینا بشخ ءِ شاغنگ کن چینی یونیورسٹی تا شریداری آن پاکستان اٹی ’’چائنیز لینگوئج سینٹرز‘‘ جوڑ کننگ خواہک ‘‘داخیال آتا درشانی ءِ وائس چانسلر ، پروفیسر ڈاکٹر شاہد صدیقی ڈٹ آ نظرثانی نا چرجوئی ٹی دیوان آن تران اٹی کرے۔ چائنہ نا ہراپنچ یونیورسٹی تا شریداری آن داڈٹ آعملدرآمد کننگک، اوفتے ٹی اوپن یونیورسٹی آف چائنہ، سیچوان یونیورسٹی، بیجنگ شنگھائی اوپن یونیورسٹی، بیجنگ انسٹی ٹیوٹ آف گرافک کمیونیکیشن و یونافارمل یونیورسٹی و یونان اوپن یونیورسٹی کنمنگ اوار ءُ۔
