وزیراعظم شاہد خاقان عباسی ہفتہ نادے سکھر، ملتان موٹروے (ایم5) نا بناءِ کرے، سکھر ، ملتان ، موٹروے سیکشن آن ملتان و شجاع آباد نا نیام اٹ سفری آسراتی تیٹی ودکی و آسانی مریک

اسلام آباد۔ 26 مئی (اے پی پی) وزیراعظم شاہد خاقان عباسی ہفتہ نادے سکھر، ملتان موٹروے (ایم 5) نا بناءِ کرے۔ سکھر، ملتان موٹروے سیکشن آن ملتان و شجاع آباد نا نیام اٹ سفری آسراتی ٹی ودکی و آسانی مریک۔ سکھرملتان موٹروے کراچی، لاہور موٹروے ڈٹ انا بشخ ءِ ہرا چین پاکستان اقتصادی راہداری ڈٹ انا رداٹ جوڑ جاڑ کننگ انگ ءِ۔ داڈٹ آ 2016 ء ٹی کاریم نا بناء ءِ کننگاسس ہرا 2019ء ٹی پورو مریک۔ دا شش رویہ روڈ ءِ ہرا گھوٹکی، رحیم یار خان، صادق آباد و بہاولپور تون اوار چندی بھلا شار تیان گدرینگک۔ داروڈ صوبہ سندھ ءِ صوبہ پنجاپ تون ملفنگ اٹ ہم اہم کڑد ادا کیک۔ داڈٹ اٹی پول، انٹرچینج و انڈر پاسیز تون اوار سروس ایریا غاتیان بیدس ایلو آسراتیک ہم اوار ءُ۔ داڈٹ انا اہم مسخت دادے کہ مسافر و گڑاتا ترسیل کن ترند سفری آسراتی فراوان کننگے، ہرانا پوروی آن ملک انا کیہی بھلا معاشی و صنعتی بنجاتا آسراتی تیٹی ودکی مریک۔ موٹروے نا دا ڈٹ نئے بیرہ چاگڑد نا شونداری ٹی کمک ایتک بلکن داڑآن ٹرانسپورٹ نا ساڑی آ بنداوی ڈھانچہ نا شونداری ہم مریک ہرا قومی معیشت کن کیہی وڑنا فائدہ تخک۔