وزیراعظم شاہدخاقان عباسی نا شجاع آباد انٹرچینج آ کاریم اٹی تپاخت کروک مزور آتا روح انا ثواب کن فاتحہ خوانی، زہمی خاہوت آتے کن دہ دہ لکھ روپئی وخت اس کہ ٹھپی تیکن پنچ پنچ لکھ روپئی معاوضہ نا پڑو

اسلام آباد۔ 26 مئی (اے پی پی) وزیراعظم شاہد خاقان عباسی ملتان۔سکھر موٹروے (ایم ۔5) نا شجاع آباد انٹرچینج آ کاریم اٹی تپاخت کروک آ مزور آتا روح انا ثواب کن فاتحہ خوانی کرے و زہمی خاہوت آتے کن دہ دہ لکھ روپئی وخت اس کہ ٹھپی تے کن پنچ پنچ لکھ روپئی معاوضہ نا پڑو ءِ کرینے۔ ہفتہ نا دے شجاع آباد اٹی خلقت نا مچی ٹی ہمووخت آ پورو خاموشی اس مس ہراتم بنجائی وزیر آبی وسیلہ سید علی شاہ اسٹیج آ برسا وزیراعظم و ہروک آتے معلومدار کرے کہ جمعہ نا نن شجاع آباد انٹر چینج آ کاریم کرسا پنچ مزور تپاخت وخت اس کہ چندیک ٹھپی مسنو۔ گورنر پنجاپ داوخت آ پارے کہ نیزگار مزور آک داموٹروے کن تینا دتر ءِ تسر و اوفتا قربانیک وخت اس ہم گم مفسہ۔