اسلام آباد۔ 26 مئی (اے پی پی) صدر آزاد جموں و کشمیر سردار مسعود خان پارینے کہ آزاد جموں کشمیر کونسل اٹی اصلاحات اسہ تاریخی ءُ گام گیج اسے و داڑآن آزاد کشمیر و پاکستان نا خلقت نا مفاد آتے پین سوگوی ملک۔ غٹ سیاسی جماعت و واک آتے تینا صف آتیٹی پورو سیوت و یکجہتی نا درشانی ءِ کرسا اسہ منصفانہ ءُ فارمولہ اس طے کروئی مرے ہراڑآن آزاد کشمیر حکومت ءِ پورو انتظامی و مالی واک ملنگ کے داڑآن پاکستان و آزاد کشمیر نا نیام اٹ تعلقداریک پین سوگو مریرہ۔ ہفتہ نادے تینا اسہ بیان اسے ٹی اوپارے کہ آزاد جموں کشمیر کونسل اٹی اصلاحات نا خواست آزاد کشمیرنا خلقت نا متکن آ تغ ئس ہرانا پوروی نا داسہ وخت بسنے، داسہ وخت اس کہ فاٹا و گلگت بلتستان نا بابت تاریخ ساز گام گیج چست کننگانے تو آزاد کشمیر ہم ہچ ءُ حالیت اسے اٹ پدی سلپ دا تاریخی و انقلابی اصلاحات و بدلی تا بھلو دروس و مثبت نتیجہ اس مرتب مریک۔
