ہائیر ایجوکیشن کمیشن نا بنجائی دفتر آن بیدس کراچی، لاہور، کوئٹہ و پشاور نا علاقائی دفتر آتیٹی ڈگری تا پک کننگ نا عمل برجاء

اسلام آباد۔ 26 مئی (اے پی پی) ہائیر ایجوکیشن کمیشن نا بنجائی دفتر آن بیدس کراچی، لاہور ، کوئٹہ و پشاور نا علاقائی دفتر آتیٹی ڈگری تا پک کننگ نا عمل برجاءِ۔ وزارت بنجائی تعلیم و کسبی تربیت نا کمامدارآتارداٹ ہائیر ایجوکیشن کمیشن نا اسلام آباد اٹی واقع بنجائی دفتر آن بیدس کراچی، لاہور، کوئٹہ و پشاور نا علاقائی دفتر آتیٹی ہم ڈگری تا پک کننگ نا عمل برجاءِ تانکہ شاری تے ڈگری تا پک کننگ نا عمل اٹ آسانی مرے ۔ کمامدارآک پارینو کہ ڈگری تا پک کننگ کن فیس بیرہ ایچ بی ایل برانچ سیکٹر ایچ ایٹ اسلام آباد اٹ جمع کرفنگ نا ہیت راست اف، کمامدارآتارداٹ مچ آ ملک اٹی حبیب بینک لمیٹڈ نا غٹ شاخ تیٹی ڈگری تا پک کرفنگ نا فیس جمع کرفنگ انگ ءِ۔