حیدرآباد۔ 26 مئی (اے پی پی) حیدرآباد اٹی ریلوے ٹریک آ بمب دھماکہ مس ولے ہچ ءُ جانی نسخان اس متنے ، ٹرین تا ہن و بر ءِ بحال کننگانے۔ ہفتہ نا سہب کم و ود 5 بجہ غا حیدرآباد اٹی سحرش نگر نا خڑک آ مین ریلوے لین آ اسٹ آن پد ایلو اِرا بمب دھماکہ نا توار بس دھماکہ غاتا توار ءِ بِننگ آ علاقہ نا خلقت اُراتیان پیش تما و پولیس ءِ احوال تس اوکان پد حسین آباد و قاسم آباد پولیس دریائے سندھ آ جوڑ کروک کوٹری پول آن 500 گز مر سحرش نگر نا ہند آ سرمس ہراڑے مین ریلوے لین آ دھماکہ مس واقعہ نا احوال آ رینجرز و بمب ڈسپوزل اسکواڈ ہم جاگہ غا سرمس ولے دھماکہ غاتیان ہچ ءُ بھلو و جانی نسخان اس متنے۔
