کالاشاہ کاکو۔ 25مئی (اے پی پی) وزیراعظم شاہد خاقان عباسی کالاشاہ کاکو ٹی امامیہ کالونی ریلوے کراسنگ شاہدرہ غا 6 رویہ اوور ہیڈ برج انا بنداو ءِ تخانے۔بنداو ءِ تخنگ نا دود جمعہ نا دے داڑے اڈ ہلک۔ داوخت آ بنجائی وزیر سائنس و ٹیکنالوجی رانا تنویر ہم ساڑی ئس۔ اوورہیڈ برج شاہدرہ غان بناء کرسا کالاشاہ کاکو انٹرچینج آن سویل اٹی 4.4کلومیٹر نا فاصلہ غا چٹک۔ داڈٹ انا مرغنی 1.7 کلومیٹر ءِ ، دا ڈٹ ریلوے اوورہیڈ برج ، رسینگ نا کسر ، سروس روڈ و پیدل چلینگوک آتے کن اِراکراسنگ برجزآ تالان ءِ۔ داپول انا جوڑ جاڑ آن جی ٹی روڈ (این فائیو) آ شاہدرہ نا خڑک امامیہ کالونی نا ہند آ ٹریفک نا بلاتعطل بہاؤ ٹی آسراتی مریک و رش و ہرے مننگ آن بچک ۔ داکان بیدس دا ڈٹ شاہدرہ آن لاہور نا کنڈآٹریفک کن متبادل کسر ہم فراوان کیک۔ داکان مست وزیراعظم تختی نا نقاب کشائی ءِ کرسا ڈٹ انا بنداو ءِ تخا۔ داوخت آ دعا ہم کننگا۔
