اسلام آباد۔ 25مئی (اے پی پی) پاکستان پارینے کہ کل بھوشن یادیو ءِ ہر حال اٹ بھارت نا حوالہ کننگپک۔ کلبھوشن یادیو نا بابت جواب الجواب نا ورندی ءِ جولائی ٹی جمع کرفنگک۔ پاکستان پرامن ہمسائیگی آ یخین تخک خواپنہ کہ آبی جھیڑہ غاک خطرناک ءُ جاگہ سے سرمریر۔ اقوام متحدہ نا مبصر مشن ءِ پاکستان اٹی ہر جاگہ غا ہننگ نا موکل ءِ ولے بھارت اٹی اف۔ جمعہ نادے دفترخارجہ نا ترجمان ڈاکٹر محمد فیصل ہفتہ وار بریفنگ اٹی صحافی تا سوج آتا ورندی ءِ ترسا پارے کہ جہانی بینک کشن گنگا و رتلے ڈیم تامعاملہ غاتے ایسر کننگ نا یخین دہانی کرفینے۔ ترجمان است ہسونی نا درشانی ءِ کرساپارے کہ بھارت سندھ طاس معاہدہ نا پاسداری ءِ کپننگ ءِ۔ اوپارے کہ بھارت نا کنڈآن کشن گنگا ہائیڈرو الیکٹرک پاور پلانٹ نا بناء سندھ طاس معاہدہ نا خلاف ورزی ءِ۔
