اسلام آباد۔ 25مئی (اے پی پی) الیکشن کمیشن آف پاکستان اٹی لس گچین کاری 2018 ء نا تیاری تیا است جمی ظاہر کرینے، جمعہ نادے الیکشن کمیشن آف پاکستان اٹی لس گچین کاری 2018 ء نا تیاری تا چرجوئی ٹی جاچ دیوان اس اڈ ہلک، دیوان نا کماشی ءِ جسٹس سردار محمد رضا کرے ، دیوان اٹی الیکشن کمیشن نا باسک آک، سیکرٹری الیکشن کمیشن و الیکشن کمیشن نا ایلو آفیسر آک ساڑی ئسر، ایڈیشنل سیکرٹری الیکشن کمیشن ءِ لس گچین کاری 2018 ء نا تیاری تا بابت احوال تس۔ الیکشن کمیشن ءِ پاننگاکہ گچین کاری تیٹی کاریم اٹ اتوک آ گیشتر مواد آتا ترسیل ءِ پورو کننگانے۔ کمیشن ءِ پاننگاکہ ڈسٹرکٹ ریٹرننگ آفیسر آتا تربیت ءِ پورو کننگانے ، و ریٹرننگ آفیسر آتا تربیت یکم جون 2018 ء اسکان پورو کننگک۔
