نیویارک۔ 25 مئی (اے پی پی) پاکستان پارینے کہ جہانی امن و سیکورٹی نا مون آ دننگ کن کیہی دہائی متکن آ کشمیر نا جھیڑہ و فلسطین نا بنداوی سوب آتیا پبی چکار کننگ نا گرجءِ و پارے کہ کشمیر و فلسطین اٹی شاری تے ہرا جلہو آتون مون تروکی ءِ او جلہو آک جہانی کانود نا خلاف ورزی ءُ۔ اقوام متحدہ نا سلامتی کونسل اٹی سلہہ بند جھیڑہ غاتیٹی شاری تا رکھ انا بارواٹ شرہ ٹی بشخ ہلسا اقوام متحدہ ٹی پاکستان نا آخبتی مندوب ڈاکٹر ملیحہ لودھی پارے کہ او دے ہنا ہراتم شاری تیا سلہہ بند جھیڑہ غاتا زہم آک اسیجائی نسخان آتسکان محدود مسرہ ۔
