اسلام آباد۔ 25مئی (اے پی پی) وزیراعظم نا سلاہکار عرفان صدیقی و قومی تاریخ و ادبی میرات ڈویژن نا بنجائی سیکرٹری انجینئر عامر حسن دوشنبے نادے 28 مئی 2018 ء آ سہب انا دہ ءُ نیم بجہ غا ادارہ فروغ قومی زبان اٹی خطاطی گیلری نا بناءِ کیرہ۔ گیلری ٹی پاکستان نا پنی آ خطاط آتا فن پارہ غاتے خلنگانے ۔ قومی تاریخ و ادبی میرات ڈویژن نا رداٹ جوڑ کروک آ نصاب کمیٹی چنکو و مریس وخت انا پروسیس کن نصاب آتا تربیت و تدوین کرینے ۔ داکمیٹی ٹی ملک انا پنی خطاط آک اوار ءُ، ہرافتے ٹی رشید بٹ، خالد یوسفی ، واصل شاہد و ناصر خان سیماب اوار ءُ۔ پوسکن آ نصاب نا رداٹ پنی خطاط آتا راہشونی ٹی جولائی 2018 ء ٹی باقاعدہ کلاس آتا بناء مریک۔
