اسلام آباد۔ 25مئی (اے پی پی) ڈائریکٹر جنرل ہیلتھ سروسز بلوچستان پارینے کہ بلوچستان حکومت پوسکن آ مالی سال 2018 ء نا بجٹ اٹی جان جوڑی نا بشخ انا مون آ دننگ کن 19 ارب 40 کروڑ روپئی جتا کرینے۔ ریڈیو پاکستان تون ہیت وگپ کرسا اوپارے کہ بلوچستان حکومت جان جوڑی نا بشخ انا مون آ دننگ کن ٹھوس گام گیج کننگ ءِ تانکہ صوبہ نا الس ءِ بے پرخ جان جوڑی نا آسراتی فراوان کننگ مرے۔ اوپارے کہ حکومت سول ہسپتال کوئٹہ ءِ 3 ارب روپئی نا خڑچ آن دُوارہ تعمیر کننگ نا فیصلہ کرینے۔ اوپارے کہ ہنداوڑ نیزگار و حقدار مریض آتے درمان نا آسراتی فراوان کننگ کن غٹ ضلع غاتیٹی وزیراعلیٰ ہیلتھ انشورنس پروگرام اس بناء کننگک ہراڑکن اسہ ارب روپئی جتا کننگانے۔
