اسلام آباد۔ 24 مئی (اے پی پی) وزیر مملکت عبدالرحمان کانجو پارینے کہ ایمپلائز اولڈ ایج بینیفیٹ انسٹی ٹیوشن نا کنڈآن کارخانہ غاتا ملازم آتا پنشن اٹی ودکی نا بابت معاملہ سپریم کورٹ اٹی زیر سماعت ءِ۔ پنچ شنبے نادے قومی اسمبلی ٹی خالدہ منصور نا ایمپلائز اولڈ ایج بینیفیٹ انسٹی ٹیوشن نا کنڈآن کارخانہ غاتا ملازم آتا پنشن اٹی ودکی نا بابت چکار کرفوک نوٹس نا ورندی ٹی وزیر مملکت عبدالرحمان کانجو پارے کہ دا ویل سپریم کورٹ اٹی ءِ۔ ادارہ نا مالی حیثیت ہم داوڑ اف کہ پنشن اٹی ودکی کننگ مرے۔ اسہ سوج اسے نا ورندی ٹی سمندر پار پاکستانی تا وزیر مملکت عبدالرحمان کانجو پارے کہ دا معاملہ ہر فورم آ شرہ ٹی اتنگانے ولے دانا ایسری اس کشنگ اٹ بے سہب مسونن۔ اومیت ءِ کہ سپریم کورٹ نا فیصلہ غان پد حالیت آک صفا مریرہ۔
