اسلام آباد۔ 23مئی (اے پی پی) وزیراعظم شاہد خاقان عباسی تیناملائیشیائی ہم منصب ڈاکٹر مہاتیر محمد ءِ ٹیلی فون کرے و اودے وزارت عظمیٰ نا منصب ءِ سنبھالنگ آ مبارکبادی تس۔ وزیراعظم ملائیشیا ٹی گچین کاری تا پرامن اڈتننگ و اقتدار نا جوانی اٹ گدریفنگ نا ستاءِ کرساپارے کہ داڑآن ملائیشیائی قوم انا پختگی نا عکاسی مریک۔ اوپارے کہ سیاسی سیوت’’پاکاتان ہاراپان‘‘ نا بے مثل سرسہبی ڈاکٹر مہاتیر محمد نا فعال و کاریمی سرکڑدہ آ السی پت انا درشانی ءِ۔ اوملائیشیائی ہم منصب تون پاک ملائیشیا تعلقداری تیا خیال آتا درشانی ءِ کرے و معیشت، زرکاری، توانائی، دفاع و سیل و سوات نا بشخ آتیٹی وارخواہی تا پٹنگ نا کمک اٹ ہڑتوم آ کنڈآتا تعلقداری تے پین سوگوی تننگ نا خواہش نا درشانی ءِ کرے۔
