اسلام آباد۔ 22مئی (اے پی پی) بنجائی وزیر پاور ڈویژن سردار اویس احمد خان لغاری پارینے کہ مسلم لیگ (ن) نا گدرینگوک آ پنچ سال اٹی 10 ہزار میگاواٹ بجلی سسٹم اٹ اوار کرینے، بروک آ 5سال اٹی چندی ڈٹ آتیان 28 ہزار میگاواٹ بجلی سسٹم اٹ پین اوار مریک ، عمران خان ءِ گردشی وام وو واٹر پالیسی نا معلوم ہی افک، او ڈرامہ بازی والا پریزنٹیشن اٹ الس ءِ بے وقوف جوڑ کننگ کپک۔ سے شنبے نادے داڑے بنجائی وزیر آتون اوار پریس کانفرنس آن تران کرسا اویس لغاری پارے کہ عمران خان 100 دے انا تینا پلان اٹی واٹر پالیسی آ عملدرآمد نا ہیت ءِ کرینے، اودے شاہدخبر ہی اف کہ مسلم لیگ (ن) نا حکومت اِرا ہفتہ مست واٹر پالیسی نا پڑو ءِ کرینے ہراڑآ خیبر پختونخوانا وزیراعلیٰ نا دستخط ہم ارے۔
