راولپنڈی۔ 22مئی (اے پی پی) بنجائی وزیر دفاعی پیداوار بیرسٹر عثمان ابراہیم پاکستان و ترکی نا نیام اٹ چندی بشخ آتیٹی کمکاری نا ستا ءِ کرسا دفاعی ، صنعتی و تکنیکی کمکاریءِ پاک۔ ترک اسٹریٹجک تعلقداری نا اہم جزو تکسا ایلو بشخ آتیٹی ہم اسٹریٹجک شریداری ءِ ودفنگ نا اہمیت آ زور شاغانے۔ اوداہیتءِ پاکستان اٹی ترکی نا سفیر احسان مصطفی یرداکل اتون ہیت و گپ کرسا پارے ہراک سے شنبے نادے داڑے اونا دفتر اٹی اوڑتون اوڑدہی کرے۔ اوڑدہی ٹی تین پہ تینی است خواہی نا معاملہ غاتیا خیال آتا درشانی ءِ کننگا و ہڑتوم آ ملک آتا نیام اٹ برادرانہ تعلقداری و دفاعی ٹیکنیکل پڑ اٹ جاری کمکاری آ است جمی نا درشانی ءِ کرے۔ اوسپر مشاق نا ہلنگ کن ایم او یو آ دستخط نا ہم ستاءِ کرے و اودے ہڑتوم آ ملک آتا نیام اٹ دفاعی تعلقداری تیٹی است بڈ پیش رفت ءِ گوندا۔ اوپاکستان نا بڑزکو معیار نا دفاعی صنعتی مصنوعات آتا ہم ذکر کرے۔
