اسلام آباد ۔22 مئی (اے پی پی)تہی کارانی بنجاہی وزیر احسن اقبال ءَ گوشت کہ برز تکی وانگی تک ءِ آسر ءَ ملک ءَ علم ءِ ہمگرنچ معیشت ءِ راہ ءِ سرا گامزن کنگ بوت کنت، سی پیک ءِ میگا پراجیکٹءِ تہ برزی وانگی ءِ موہ پیداک کنگ ءَ گوں ھوار پاک ۔یوایس نالج کوریڈور ءُُ یو کے پاکستان نالج گیٹ وے وڈیں منصوبگانی جاڑی کنگ بوتگ انت وھدیکہ پاک ۔روس نالج پلیٹ فارم ءِ بندات ھم کنگ بیت۔آہاں اے گپ ہائر ایجوکیشن کمیشن ءِ چیر دستی پبلک سیکٹر ڈویلپمنٹ فنڈءِ ردا گوستگیں پنچ سالانی وھد ءَ ہائر ایجوکیشن سیکٹر ءِ پراجیکٹس ءِ ھوالہ ءَ چہ کارکردگی ءِ جائزگ گرگ ءِ ھاترا وائس چانسلر ز ءِ دیوان ءِ سروکی کنان ءَ گوشت ات ہمہ آہانی پاگواجہی ءَ برجم بوتگ ات۔ ایگزیکٹو ڈائریکٹر ڈاکٹر ارشد علی، ممبر آپریشن اینڈ پلاننگ ڈاکٹر غلام رضا بھٹی ءُُ35 وائس چانسلرز ءَ جندی بستار ءَ ویڈیو کانفرنسگ ءِ وسیلگ ءَ دیوان ءَ بہر زوراتگ۔بنجاہی وزیر احسن اقبال ءَ شرکاء ءَ گوں گوشتانک کنان ءَ گوشت کہ ہائر ایجوکیشن کمیشن ءُُ شاھدربانی وائس چانسلرز ءَ مزن تکے تعلیمی پڑ ءَ گہتری ءِ ھاترا کتگیں گامگیج ءَ ساڑاتگ ءُُ گوشت کہ ملک ءِ باندات علم ءَ گوں ھوارمعیشت ءَ ایر کتگ انت۔آہاں گوشت کہ حکومت پاکستان ءِ اے گپ ءَ سدکی انت کہ مزن تکے تعلیمی سیکٹر ءِ سبب ءَ ملک ءَ علم ءَ ھوار معیشت ءِ راہ مان کنگ بیت۔آہاں شاھدربرانی راھشون ءَ گوں تران کنان ءَ گوشت کہ آں گہتریں تبک ءِ پی سی ون ءَ جوڈ کن انت تنکہ آہانی منظوری سدکی بیت۔ سال 2018-19ءِ ھاترا 46 پراجیکٹس منظورنہ بوتگ انت۔بنجاہی وزیر ءِ گوشگ ات کہ شریں مینجمنٹ اے پراجیکٹسءِ سرا وڈ ءُُ پیم ءِ ھاترا باز ارزشت دار انت۔آہاں گوشت کہ گوستگیں پنچ سالانی وھد ءَ ڈویلپمنٹ بجٹ ءِ تہ باز ودکی اتکگ، سال 2012ءِ تہ اے 12 ارب کلدار اتنت وھدیکہ انوں بجٹ 47 بلین کلدار ءَ تاں سر بوت ات۔آہانی گوشگ ات کہ حکومت پاکستان ءَ چین پاکستان اقتصادی راہداری ءِ میگا پراجیکٹس ءِ تہ مزن تکے وانگی موہ پیداک کنگءِ ھوار پاک۔ یو ایس نالج کوریڈور ءُُ یو۔کے پاکستان نالج گیٹ وے وڈیں منصوبگانی جاڑی کتگ ات وھدیکہ حکومت پاک ۔روس نالج پلیٹ فارم ءِ بنداتی ءِ ارادہ ھم ایر کنگ ات۔بنجاہی وزیر ءِ گوشگ ات کہ حکومت پاکستان ءَ فاٹا یونیورسٹی، یونیورسٹی آف گوادر ءُُ لہتیں ضلعانی شاھدربرانی سب کیمپس ہڈ دیگ ءِ ھوار 2000 استاد ءَ رافیکلٹی ڈویپلمنٹ پروگرامءِ ردا ھیلکاری ءُُ مزن تکے وانگی ءِ موہ پھجاراتگ انت۔آہانی گوشگ ات کہ مزن تکے وانگ ءِ پھجارگ ءِ وسیلگ ءَ یک رکھتگیں پاکستان ءِ ضمانت دیگ بیت۔دیوان ءِ تہ ایگزیکٹو ڈائریکٹر ڈاکٹر ارشد علیءَ گوشت کہ ہائر ایجوکیشن کمیشن حکومت پاکستان ءِ امیت ءِ سرا پیلو بوھگ ءِ ھاترا شریں وڈ ءَ ہزمتاں پیلو کنگ انت۔آہاں بنجاہی وزیر ءِ منت گپت انت کہ آہاں مزن تکے وانگ ءُُ زانگ ءِ ودکی ءِ پراہی ءِ تہ دلچسپی گپتگ ات۔ ایگزیکٹو ڈائریکٹرءِ گوشگ ات کہ ہائر ایجوکیشن کمیشن ءُُ پلاننگ کمیشن مزن تکے وانگی ءِ پراہی ءِ ھاترا وت مہ وتی کمک برجاہ دارانت۔
