220 کے وی مستونگ سب سٹیشن ءُُ 220 کے وی سبی۔مستونگ۔کوئٹہ۔لورالائی ڈبل سرکٹ ٹرانسمیشن لائن ءِ منظوری
اسلام آباد ۔22 مئی (اے پی پی)مزن وزیرشاہد خاقان عباسی ءِ سروکی ءَ راجی اقتصادی کونسل ءِ انتظامی کمیٹی (ایکنک) ءِ دیوان سئے شمبے ءَ مزن وزیر کارگس ءَ برجم دارگ بوت۔ ایکنک ءِ 220کے وی مستونگ سب سٹیشن ءُُ 220 کے وی سبی۔مستونگ۔کوئٹہ۔لورالائی ڈبل سرکٹ ٹرانسمیشن لائن ءِ منظوری دات ایشی ءِ پد ءَ 14ارب 15کروٹ کلدار ءَ چہ گیش ھرچ ءُُ درچ کئیت۔ دیوان ءَ پاکستان انسٹی ٹیوٹ آف ڈویلپمنٹ اکنامک (پائیڈ) ءِ واستہ چار ءُُ بچار بوتگیں پی سی ٹو ءِ ھم منظوری دیگ بوت ایشی ءَ سر ءَ 3 ارب 51 کروڑ کلدار ءَ چہ گیش ھرچ ءُُ درچ کئیت۔ ایکنک ءَ 22 ارب 21 کروڑ کلدار ءَ چہ گیش ھرچ ءُُ درچ ءِ جتاجتائیں شوبگ آنی تہ ءَ 2 ہزار پی ایچ ڈی ءِ واستہ اوورسیز سکالرشپ سکیم ءِ واستہ فیز تھری ءِ منظوری دات۔ دیوان ءَ چاگردی شوبگ ءَ اسلام آباد ءِ پمز ہسپتال ءَ نیورو سائنسز ءِ سنٹر ءِ جوڑ کنگ ءِ منظوری ھم دیگ بوت ایشی ءِ سرءَ 7 ارب28کروڑ کلدار ءَ چہ گیش ھرچ ءُُ درچ کئیت۔ ایکنک ءَ یک کھرب 31ارب 78کروڑ کلدار ءَ چہ گیش ھرچ ءُُ درچ ءَ چہ پنجاب، خیبرپختونخوا، سندھ ءُُ بلوچستان ءَ جان سلامتی ءِ شوبگ ءَ ورٹیکل پروگراموں آنی منظوری دات۔ اے پروگرام آنی آنی تہ ءَ چک ءُُ ماتی ءِ راجی پراگرام، زھگ آنی جان سلامتی پراگرام، ھاندانی منصوبگ بندی ءُُ بنیاتی جان سلامتی ءِ واستہ قومی پرگرام، ٹی بی کنٹول پروگرام، ہیپاٹائٹس ءِ گر ءُُ دار ءِ مزن وزیر ءِ پرگرام ، ملیریا کنٹرول پروگرام ءُُ نابینا پن ءِ گر ءُُ دار ءِ راجی پروگرام ھوارت اَنت۔ دیوان ءَ نیلم ۔ جہلم ہائیڈروپاور پراجیکٹ ءِ 506 ارب 80 کروڑ 80 لکھ کلدار ءِ چارمی چار ءُُ بچار بوتگیں پی سی ون ءِ ھم منظوری دیگ بوت۔ ایکنک ءَ گواردر سی پورٹ ءَ چہ ریلوے کوریڈور ءِ واستہ زمین ءِ در جنگ ءُُ گوادر ءَ ریلوے آپریشنل لینڈ ءِ ھم منظوری دات۔ دیوان ءَ دراوٹ ڈیم ءِ جوڑیشت ءِ واستہ دومی چار ءُُ بچاری ءِ واستہ دومی چار ءُُ تپاس بوتگیں پی سی ون ءِ 11 ارب 76 کروڑ 78 لکھ کلدار ءَ چہ گیش چار ءُُ بچار بوتگیں ھرچ ءُُ درچ ءِ منظوری دات۔ ایکنک ءَ 60 ارب 82 کروڑ 36 لکھ 60 ہزار کلدار ءِ ھرچ ءَ چہ 184 کلومیٹر دراج بُریں فیصل آباد۔خانیوال موٹروے ایم 4 منصوبگ ءِ سر ءَ چار ءُُ بچاری کنگ ءِ منظوری ھم دات۔
