اسلام آباد ۔ 21 مئی (اے پی پی) تہی کارانی بنجاہی وزیر احسن اقبال ءَ گوشت کہ پاکستان راستیں نیمگا رھادگ بوتگ انت،مارءَ گہبودی ،ایمنی برجاہ دارگ ءَ ھوار اقتصادی منزل ءَ تاں سر بوھگ ءِ انت،دگنیا مئے سوبمندیءَ ھیران انت ءُُ پاکستان ءَ پاداتگیں معیشت گوشگ انت،مار ءَ وتی سوچ ءَ بدل کنگی انت ءُُ نوکیں عہد ءِ ھاترا وتارا تیار کنگ ءِ ضلورت انت، نیشنل سنٹر آف سائبر سکیورٹیءِ ہڈ دیگ منی واب اتنت ہمہ کہ پیلو بوتگ۔دوشمبے ءَ ایئر یونیورسٹی ءِ تہ پاکستان نیشنل سنٹر فار سائبر سکیورٹیءِ بنداتی مراگش ءَ گوں تران کنان ءَ تہی کارانی بنجاہی وزیر ءَ گوشت کہ منی ھاترا مزنیں شرپ ءِ گپ انت کہ مروچی یک اے رنگیں سنٹر ءِ جوڈ بوھگ ءِ مراگش ءَ شریدار انت ہمہ کہ منی واب اتنت۔آہاں گوشت کہ 6 مئی ءَ یک بیمکار ءَ لگوریں اُرش کنان منی جان گرگ ءِ جہد کتگ بلے جان رکھوکیں جان گروگ ءَ چہ مستر انت۔ آہاں گوشت کہ ناشرکاری ءُُ بیم کاری ءِ ھلاپ جنگ کٹگ مئے کُلانی ذمہ واری انت۔ بانی پاکستان قائد اعظم محمد علی جناحءَ یک اے رنگیں ملک ءِ ھاترا جہد کرتگ ات کہ اُودا دراھیں شہری رنگ ءُُ نسل ،زبان ءِ ھوار ہر وڈیں پرک ءِ ابید ایمنی ہم آہنگی ءُُ یکجہتی ءَ گوں یک ھاندان ءِ وڈ ءَ نندانت۔آہاں گوشت کہ لہتیں عناصر لٹ ءُُ کٹ ءِ وسیلگ ءَ وتی ایجنڈہ ءَ مان کنگ لوٹگ انت۔ 2013 ءِ تہ وھدیکہ مہ حکومت سمبھالتگ تو مسیت،عبادت جاھاں،مارکیٹاں،وانگ جاھاں ،نادراھ جاھانی ھواری ءَ ہچ جاگہ محفوظ نیست اتنت۔راج ناشرکاری ءَ چہ تنگ بوتگ ات۔بلے پدا راج ءَ ناشرکاری ءِ ھلاپ ءَ اوشتگ ءِ پیسلہ کتگ ءُُ وتی سرجمیں جزم ءَ گوں ناشرکارانی سرین پروشتگ بلے ناشرکارانی ھلاپ ءَ انوں کار کنگی انت۔ناشرکاری ءِ سرجم ھلاسی ءَ تاں سکون ءَ گوں نہ ننداں۔ساڑ ءُُ لٹ ءُُ کُٹ ءَ گوں چاگرد نہ چلیت۔آہاں گوشت کہ پاکستان ءِ کہانی سوبمندیانی کہانی انت۔مہ دگنیا ءَ را وتی سوبمندی ءَ چہ سرپد کنگ لوٹگیں۔مہ 70سال آنی تہ باز سوبمندی حاصل کتگ انت بلے باز موہ ضیان ھم بوتگ انت۔آہاں گوشت کہ 20 می صدی سیاسی نظریات ءِ صدی اتنت وھدیکہ 21می صدی اقتصادیات ءِ صدی انت۔انوں سیاسی نظریات ءِ باست ءُُ واست ءِ ابید اقتصادی وشھالی ءِ راھ ءَ گامزن کنگ ءَ گوں راج دیمروئی ءَ کنگ انت۔تہی کارانی بنجاہی وزیر ءَ گوشت کہ مروچی دگنیا پاکستان ءَ را پاداتگیں معیشت گوشگ انت۔مارءَ اے رد برجاہ دارگی انت۔ایشی ءَ چہ پیسر ءَ مراگش ءَ گوں تران کنان ءَ ایئر یونیورسٹی ءِ چانسلر ایئر وائس مارشل فائز امیر ءَ ٹپی بوھگ ءِ ابید مراگش ءِ تہ بہر زوراتگ ایشی ءِ آھگ ءَ توکی وزیر ءَ ایشان وش اتک کتگ۔آہاں گوشت کہ پاکستان ءِ 22.2 درسد آباتی انٹرنیٹ ءَ کارمرز کنگ انت۔ایوکا موبائل فون ءَ نہ بلکہ مروچی دگنیا ءِ بازیں کاراں سائبر سسٹم ءَ گوں چلگ انت ءُُ سائبر ءِ دگنیا ءِ تہ نوکیں بدلی آھگ انت۔انوں دگنیا ءِ گچینکاریانی تنیجگ ءَ سائبر ءِ وسیلگ اثرانداز بوت کنت ۔مار ءَ وتی سسٹم ءُُ سائبر سپیس ءَ را رکھگ ءِ ضلورت انت۔اے ھوالہ ءَ گوں سٹیٹ سپانسرڈ ھطرہ ساڑی انت۔اے سنٹر ہڈ دیگ راستیں گام انت۔آہاں گوشت کہ لہتیں یونیورسٹیانی کمک ءَ گوں اے سنٹر ہڈ داتگ انت ءُُ ایشی ءِ ردا 4سالہ بی ایس پروگرام بندات کنگ بنت۔ایشی ءَ چہ پدا تہی کارانی وزیر ءَ تختی ءِ نقاب کشائی کنان ءَ سنٹر ءِ بنداتی کتگ ءُُ اے ھوالہ ءَ جوانیں کرد پیلو کنوکیں سکالرز ءَ شیلڈ ھم داتگ انت۔
