اسلام آباد۔ 21مئی (اے پی پی) بنجائی وزیر نیشنل ہیلتھ سروسز، ریگولیشن اینڈ کوآرڈینیشن سائرہ افضل تارڑ پارینے کہ گدرینگوک آ پنچ سال اٹی جان جوڑی نا بشخ ننا منشور نا وڑاٹ اولیتی ایجنڈا ئس و 2016-25ء نا نیشنل ہیلتھ وژن نا راجی بشخ اٹی طبی نگہداشت نا ایجنڈا ءِ ہم اولیت تننگانے ہرادے کہ ننا وزارت جوڑ کرے۔ وژن مستعد ، فعال ، بریبری وڑاٹ، قابل رسینگ و غٹ آبادی ءِ ہڑزآن ہیلتھ سروسز نا فراوانی نا کمک اٹ یونیورسل ہیلتھ کوریج اٹی راہشونی ءِ کیک۔ تینا اسہ بیان اسے ٹی اوپارے کہ قومی جان جوڑی نا ادارہ ءِ بدلیفنگ ہم کنا مشن ئس تانکہ دا قومی و جہانی کہول انا تینا کڑد انا دوئی کننگ اٹ سرسہب مرے۔ این آئی ایچ قومی ءُ میرات اسے و داٹی بے پناہ لائخی ارے۔ کنے پورو یخین ءِ کہ نن پائیدار شونداری نا ہدف آتا دوئی کننگ اٹ و تینا الس نا خذمت ءِ کننگ اٹ سرسہب مرینہ۔
