اوگان آسرکارانی پاکستان ءَ دست مانجنی پاشک

کوئٹہ ۔19مئی (اے پی پی)اوگان آسرکارانی پاکستانءَ دست مانجنی پاشک بوتگ، پاکستان ءَ ناشرکاری، افغانیانی ہوار بوہگءِ گیشیں شاہدی پدر بوتگ انت،اولی رمضانءَ ایف سی مددگار سینٹرءِ سرا ارشءَ افغانی ہوار بوتگ انت۔ایف سی مددگار سینٹرءِ سرا ارشءَ افغانستانءَ چہ بندش جتگیں گلءَ افغان ناشرکارانی عکس شنگ کتگ انت،عکسانی تہا گندگ بیت کہ ارشءَ ہواریں ناشرکار ایف سی پوسٹ ءِ سرا ارشءَ پیسر ماڈلءِ چارءُ ٹپاسءَ کنگءَ انت۔افغان ناشرکاراں گوگل میپءِ وسیلہءَ ارشءِ منصوبہ بندی کتگ۔زانگ بہ بیت کہ گوستگین روچءَ سیکیورٹی فورسزءَ کوئٹہ ءِ دمگ چمن ہاوسنگ اسکیم ءِ نزیکءَ فرنٹیئر کور (ایف سی) مدد گار سینٹرءِ سرا ناشرکارانی ارش بے سوب کنانءَ پنچیں ارش کار جتگ انت۔پاک فوجءِ لس سیادیءِ تک(آئی ایس پی آر) ءِِ نیمگا چہ شنگ بوتگیں بیانءِ ردا ناشرکاراں کوئٹہ ءَ ایف سی مددگار سینٹرءِ سرا ارش کنگءِ جہد کتگ کہ اے سیکیورٹی فورسزءَ بے سوب کتگ،بارود ءُ سلحہءَ چہ پریں گاڑی ءَ سواریں 5 وت کش بمباراں ایف سی سینٹرءَ روگءِ جہد کتگ بلے ایف سی ءِ دلیریں کارندہاں پہ وھد کاروائی کتگ ءُْ چہ تہا روگ ءَ داشتگ انت۔آئی ایس پی آرءِ ردا ایف سی ءِ پہ وھد کاروائیءَ دراہیں ناشرکار جنئگ بوتگ انت ءُ ارش کار گندگءَ افغانی بوتگ انت۔آسرکارانی اے بے سوبیں کاروائی گوستگیں روچءَ کلی الماس ءِ دمگ ءَ ناشرکارانی کشگ ءِ پدکرد بوتگ۔ایف سی مددگار سینٹرءِ جاورگرءُُ دار کنگ بوتگ انت ءُ آسرکاراں گوں دونیمگی تیرگواریءَ ایف سیءِ 4 ورنا ٹپی بوتگ انت۔