مزن وزیر شاہد خاقان عباسی اسلامی کمک تنظیم ءِ ھپتمی درملکی سر وکی دیوانءِ تہا پاکستانءِ ڈل ھوار بیت
دیوان ءِ تہا فلسطینی ریاست ءِ تہا قبضہ کتگیں اُردانی نیمگءَ چہ انسانی ھکانی ھلاپ ورزی ءَ چہ ودی بوتگیں جاور ھال ءِ سرءَ چارءُ بچار کنگ بیت
اسلام آباد۔18مئی (اے پی پی) مزن وزیر شاہد خاقان عباسی اسلامی کمک تنظیم ( او آئی سی ) ءِ ھپتمی درملکی دیوانءِ تہا پاکستان ءِ ڈلءِ سروکی ءَ کنت کہ 18مئی ءَ چہ ترکی ءِ شہر استنبول ءَ برجم بوھگءَ اِنت۔ دیوان ءِ تہا فلسطینی ریاست ءَ قابض اُردانی نیمگءَ چہ انسانی ھکانی ھلاپ ورزی ءَ چہ پیداک بوتگیں جاور ھال ءِ سرءَ چارءُ بچارکنگ بیت۔ دری کارانی نیمگءَ چہ جار ی بیان ءِ ردءَ سروکی دیوان ترکی ءِ صدر ءَ او آئی سی سمٹ ءِ صدر نشین ءِ ارزشت ءَ لوٹ اِتگ۔ سروکی دیوان ءِ تہا غزہ ءِ تہا لٹءُ کٹ ءِ انوگیں وئیلانی تہا دلگوشی کنگ بیت کہ اسرائیلی اُرداں 60ءَ چہ گیش شہرآناں بے رحمی ءَ گوں شہید کتگ ءُ زالبول ، زھگ ءُ پیرسالاں ءَ ھوار بازیں مردم ٹپیگ بوتگ اَنت۔ پاکستا نءَ غزہ ءِ تہا لٹءُ کٹءِ آزاتیں ءُ ساپ ءُ سلائیں تحقیقات ءِ لوٹ کتگ۔ مزن وزیر شاہد خاقان عباسی کانفر نس ءِ تہا قابض اسرائیلی اُرد ءِ نیمگءَ چہ انسانی ھکانی ھلاپ ورزی ءَ را سک باز ایر جتگءُ آزاتیں ءُ وت واکیں فلسطینی ریاست ءِ جوڈ کنگءِ ھاترءَ پاکستان ءِ اُلس ءُ حکومت ءِ گوما ھمراھ داری کنگءِ جزم ءَ کن اَنت۔
