اسلام آباد ۔ 18 مئی (اے پی پی) سنٹرل ملٹری کمیشن چین ءِ وائس چیئرمین جنرل چانگ یوشاءَ نیول ہیڈ کوارٹرزاسلام آبادءِ تروتاب کتگ ءُُ پاک بحریہءِ کماش ایڈمرل ظفر محمود عباسیءِ گوما گند ءُُ نند کتگ۔ربالکارپاک بحریہ ءِ گوشگ ءِ ردا نیول ہیڈکوارٹرز آھگ ءِ سرا پاک بحریہ ءِ راھشون ءَ جنرل چانگ یوشاءَ را وش اتک کرتگ۔ پاک بحریہءِ چاق و چوبند دستگ ءَ شرپ دارءِ مہمان ءَ را سلامی پیش کرتگ۔پدا، سنٹرل ملٹری کمیشن چین ءِ وائس چیئرمین جنرل چانگ یوشاءَ پاک بحریہءِ کماش ءَ گوں گند ءُُ نند کتگ۔گند ءُُ نند ءِ ساعت ءَ وت مہ وتی اندوہناکی امور بشمول بیلٹ اینڈ روڈ انیشیئٹِو ءِ ھاسیں منصوبگ سی پیک ءِ سرا ھیال ریچی کتگ۔پاک بحریہ ءِ کماش ا یڈمرل ظفر محمود عباسیءَ دوئیں ملکانی سلاھ بندیں اردوءِ نزیکیں ءُُ مھکمیں سیادیءِ ارزشت ءِ گپ جتگ۔سنٹرل ملٹری کمیشن چین ءِ وائس چیئرمین ءَ پاکستانءَ را چین ءِ پکہ دوست قرار داتگ۔پاک بحریہءِ راھشون ءُُ سنٹرل ملٹری کمیشن چین ءِ وائس چیئرمین ءَ سی پیک ءُُ ایشی ءَ گوں ہمگرنچ منصوبگءَ را سوبمندی ءَ را دمگ ءِ ملکانی مردمانی وشھالی ءُُ اقتصادی دیمروئی قرار داتگ۔گند ءُُ نند ءِ پدا شرپ دارءِ مہمان ءَ را بحرِ ہند ءِ سکیورٹی جاورھال ءُُ دمگ ءِ تہ امن ءُُ گہبودی ءِ برجاہ دارگ ءِ سللہ ءَ پاک بحریہ ءِ ہزمتانی سرا سرپدی داتگ۔تروتاب ءِ دیمی بہر ءَ جنرل چانگ یوشا، کراچی ءِ تہ پاک بحریہ ءِ فیلڈ کمانڈزءِ تروتاب ھم کتگ۔ سنٹرل ملٹری کمیشن چین ءِ وائس چیئرمین ءِ اے تروتاب دوئیں ملکانی حاسکرسلاھ بندیں اردو ءِ میان ءَ وت مہ وتی سیادی ءِ تہ گیش گہبودی ءِ سبب جوڈ بیت۔(ن۔ا۔ج)
