اسلام آباد۔ 18 مئی(اے پی پی) ھزانگ ءِ بنجاہی وزیر مفتاح اسماعیل ءَ گوشت کہ ششمی بجٹ پیش کنگ مئے حکومت ءِ ھاترا اعزاز ءِ گپ انت ،معاشی دیمروئی ءِ سفر برجاہ بیت ءُُ مھلوک ءَ گوں کتگیں وعدہ سرجم کنیں۔جمعہ ءَ بنجاہی بجٹ ءِ منظوری ءِ پدا وتی گونڈو ءِ گوشتانک ءَ آہاں گوشت کہ ھداوند ءِ شکر اداکنگ ءَ کہ مئے حکومت ءَ یک شل ءَ ششمی بجٹ پیش کتگ ءُُ ملک ءِ ہزمت ءِ توفیق داتگ۔آہاں گوشت کہ بجٹ معاشی دیمروئی ءِ سفر ءِ آدینگ بوھگ انت ہمہ مشکل الم بوھگ انت بلے پیسریگیں مزن وزیر نواز شریف ،مزن وزیر شاہدخاقان عباسی ءِ وژن ءِ آسرءَ معاشی دیمروئی ءِ سپر سرجم کتگ۔مارءَ امیت انت کہ باندات ءَ ھم اے جاڑی بیت۔آہاں گوشت کہ بجٹ ءِ تیاری ءِ تہ پارلیمنٹ باسکاں،سپیکر،سینٹ ءِ باسکاں ءُُ دگہ ہمگرنچیں ادارگءِ افسرانی ءُُ کارندہانی منت وار ات کہ آہاں بجٹ ءِ موہ ءَ باز کمک کتگ۔آہاں گوشت کہ راجی اسمبلی،سینیٹ،پی ٹی وی،پی آئی اے،سی ڈی اے،اے پی پی،ریڈیو پاکستان،پی آئی ڈیءِ ھوار بجٹ سیشن ءِ وھد ءَ کار کنوکیں کارندہ ءَ را پنچ بیسک پگار ءِ بروبر داد دیگ بیت۔اے موقع سرا سپیکر ءَ گوشت کہ پیسر ءَ جار جتگیں اعزازیہ ءِ رقم تنیگہ پھجارگ نہ بوتگ،ھزانگ وزیر ءَ گوشت کہ آں اے کلدار وتی حکومت ءِ وھد سرجم بوھگ ءَ چہ پیسر ادا کن انت۔(ن۔ا۔ج)
