اسلام آباد۔ 17 مئی (اے پی پی)پاکستان تون اوار مچ آ دنیا ٹی انٹرنیشنل میوزیم ڈے ءِ (اینو) جمعہ نا دے پبی وڑاٹ اڈتننگک۔ داوخت آمچ آ ملک انا عجائب گھر و ایلو ہند آتیا خصوصی دود ، واکس ، سیمینار، کانفرنس پین پین نا بست و بند ءِ کننگک، ہرافتا مسخت الس نا تہٹی تینا تہذیب ، دودوربیدگ، تاریخ ءِ رکھ تخنگ نا بارواٹ شعور تالان کننگ نا ءِ۔ یات سلے کہ عجائب خانہ غاتا جہانی تنظیم انٹرنیشنل کونسل آف میوزیمز 18 مئی 1977 ء نا دیوان اٹی 18 مئی 1978 ء آن ہرسال باقاعدگی اتون اقوام متحدہ ناغٹ باسک ملک آتے ٹی انٹرنیشنل میوزیم ڈے ءِ اڈتننگ نافیصلہ کریسس۔ پاکستان نا چندی شارتیٹی 27 عجائب گھر جوڑ ءُ۔
