اسلام آباد۔ 15مئی (اے پی پی) وزیر مملکت خزانہ رانا افضل پارینے کہ نواز شریف تینے آ خلوک آ دوبہ غاتے رد کرینے، اپوزیشن جماعت آتا کنڈآن قومی اسمبلی نا تہٹی بھارتی لابی نا بیانیہ افسوزناک ءِ۔ سے شنبے نادے پارلیمنٹ ہاؤس نا پیشن میڈیا تون ہیت وگپ کرسا وزیر مملکت پارے کہ وزیراعظم شاہد خاقان عباسی نا بیان آن پد معاملہ بایدے چٹوسس۔ نواز شریف مچ آ زند پاکستان نا گچینی کن وقف کرینے اگہ کس اسے شک ارے تو قومی کمیشن اس جوڑ کے ہراٹی غٹ ءِ پیش مروئی تمک۔ وزیر مملکت پارے کہ نواز شریف نا برخلاف داوخت آ انتس کہ مننگ ءِ او غٹ انا مون آٹی ءُ۔ نواز شریف ءِ کروڑ آ خلقت مسہ وار وونٹ ترسا وزیراعظم جوڑ کرے۔ اگہ نواز شریف پاکستان نا مفاد ءِ سودا کروئی مسکہ تو او ایٹمی دھماکہ کتوکہ۔ رانا افضل پارے کہ عمران ءِ دوبہ خان داخاطرآن پاننگک کہ او اول پاہک ولدا سوچک۔
