کوئٹہ۔ 14 مئی (اے پی پی )بلوچستان ءَ آوکیں مالی سال 19 – 2018 ءِ 3 کھرب 52 ارب کلدار ءِ بجٹ پیش کنگ بوتگ ایشی ءَ 88.03 ارب کلدار دیمروئی وھدیکہ در دیمروئی ھرچ ءِ ھاترا 264.04 ارب کلدار ایر کنگ بوتگ انت۔آوکیں مالی سال تاوان ءِ بجٹ بیت ایشی ءَ تاوان ءِ تخمینہ 1.07 ارب کلدار جنئگ بوتگ۔ بجٹءِ تہ تعلیم، جان سلامتی امن ءُُ ایمنی ءُُ ھاٹیگ ءِ تک ءَ دلگوشی دیگ بوتگ۔بلوچستان اسمبلی ءِ بجٹ دیوان دوشمبے ءِ بیگاھ اسپیکر راحیلہ حمید درانی ءِ سروکی ءَ بناء بوتگ ۔ھزانگ ءِ صلاحکار ڈاکٹررقیہ سعید ہاشمی ءَ آوکیں مالی سال 19 – 2018 پیش کنان ءَ گوشت کہ بجٹ ءِ تہ کوشست کت کہ راج ءِ جیڈھ حل کنگ ءِ ھاترا منصوبگ ھوار انت۔ آہاں گوشت کہ بلوچستان دیمروئی ءِ راھ ءَ گامزن انت۔سر وزیر بلوچستان میرعبدالقدوس بزنجو ءَ گونڈوءِ وھد ءَ صوبگ ءَ دیمروئی ءِ راھ ءَ گامزن کُت ۔آہاں گوشت کہ کسے ھم صوبگ ءَ امن ءُُ امان ءِ برجاہی استان ءِ بنیاتی زمہ واری انت ،صوبائی حکومت کانود ایر کنوکیں ادارگ آنی سرجم دلبڈی کنگ انت،یواین ڈی پیءِ کمک ءَ گوں پنچ سال ءِ منصوبگ ءِ سرا کار برجاہ انت،ایشانی تہ عدلیہ،انتظامیہ ،پولیس ،لیویز ،پراسیکیوشنءُُ محکمہ جیل خانہ جاتءِ دراھیں تکءَ گہتری آرگ ءِ ھاترا یک سوگونظامءِ سرا کار کنگ انت،مھلوک ءِ جان ءُُ مال ءِ رکھگ ءِ ھاترا سیکیورٹی فورسز ءِ ندر ءَ چہ مکن بیت۔آہاں گوشت کہ مالی سال19 – 2018 ءِ تہ امن ءُُ ایمنی ءِ ھاترا در دیمروئی بجٹ ءِ تہ 34ارب کلدار ایر کنگ بوتگ،استیں مالی سال ءِ بجٹ پیسریگیں بجٹ ءِ مقابلہ ءَ 10درسد گیش انت۔ھزانگ ءِ صلاح کار ڈاکٹر رقیہ ہاشمی ءَ گوشت کہ تعلیم ءِ ھوار مالی سال ءِ بجٹ ءِ تہ جان سلامتی ءِ تک ءَ ھاسیں دلگوشی دیگ بوتگ ات۔آوکیں مالی سال 2018-19ءِ ھاترا جان سلامتی ءِ تک ءِ ھاترا در ترقیاتی بجٹ ءِ ھاترا 19.4ارب کلدار ایر کنگ بوتگ انت،ہمہ کہ گوستگیں سال ءِ مقابلہ ءَ 6درسد گیش انت،آوکیں مالی سال 2018-19ءِ میان ءَ صوبہ ءِ تہ کینسر ءِ نادراھ جاء ءِ ہڈ دیگ ءِ ھاترا 2ارب کلدار ایر کتگ انت ءُُ بلوچستان ادارگ برائے دل ءِ ہڈ دیگ ءِ ھاترا 2.5ارب کلدار ھرچ کنگ بنت،آہاں گوشت کہ سول نادراھ جاء کوئٹہ ءِ تہ نوکیں وڈ ءَ نوکتریں وڈ ءَ جوڈ کنگ بیت۔ایشی ءِ سرا 3ارب کلدار ھرچ کائیت ،آہاں گوشت کہ سر وزیر صحت انشورنس پروگرام ءَ را دراھیں ضلعہاں بناء کنگ بوھگ انت،اے مراگش ءِ ھاترا 1ارب کلدار ایر کنگ بوتگ انت۔حکومت بلوچستان ءَ مالی سال 2018-19ءِ میان ءَ ہپیٹائٹس ،ٹی بی ملیریا ءُُHIVنادراھانی ھاترا مپت درمان پھجارایت ،بجٹ ءِ تہ جان سلامتی ءِ تک ءِ ھاترا 70کروڑکلدار ءِ ھرچ ءَ گوں نوکتریں مشینری بھاء ءَ زورگ بیت ،اے وڈ ءَ دو ارب کلدار ءِ مپت درمان دیگ بنت۔صوبہ ءِ تہ گریبی ءِ ھلاسی ءِ ھاترا یک ارب کلدار ءِ ھرچ ءَ گوں کوئٹہ ،لورالائی،گوادر ،کیچ،ءُُ لسبیلہ ءِ تہ میڈیکل اسپورٹس پروگرام جاڑی انت ،Vector Borne Diseasesءِ ھلاسی ءِ ھاترا 2.5ارب کلدار ایر کنگ بوتگ انت۔چمانی نادراہی ءِ ھاترا 30کروڑ کلدار ھرچ کنگ بنت ،بولان میڈیکل کالج ءَ را یونیورسٹی بستار دیگ ءِ ھاترا 1ارب کلدار ایر کنگ بوتگ انت ،ڈینٹل کالج کوئٹہ ءِ ہڈ دیگ ءِ ھاترا 1ارب کلدار ایر کنگ بوتگ انت،سنڈیمن صوبائی ہسپتال ءِ تہ نوکیں اوپی ڈی بلاک ءِ ھاترا 19.8کروڑکلدار ایر کنگ بوتگ انت ،مشیر خزانہ ڈاکٹر رقیہ ہاشمیءَ گوشت کہ کشت ءُُ کشاری ءَ بلوچستان ءِ معیشت ءِ سرین ءِ ھڈ ءِ بستار حاصل انت۔
