لاہور۔13 مئی(اے پی پی )مزن وزیر شاہد خاقان عباسی ءَ گوشت کہ وانگ ءُُ زانگ ءَ ابید اِچ چاگرد دیمروئی کت نہ کنت، گورنمنٹ کالج یونیورسٹی اے بابت ءَ وتی کلیتی کرد ءَ پیلو کنگ ءَ اِنت، ایشی ءَ چہ پارگ بوتگیں نودربر ناں ایوک ءَ پاکستان بلکینگ ءَ سرجمیں دُگنیا ءَ وتی کرد ءَ پیلو کنگ ءَ انت۔ آ یک شمبے ءِ روچ ءَ جی سی یونیورسٹی ءَ ھمک سالی انڈومنٹ فنڈ ٹرسٹ ءِ مراگش ءَ گشتانک دیگ ءَ ات۔ گورنر پنجاپ محمد رفیق رجوانہ ، بُنجاھی وزیر اھوالکاری ءُُ شنگ کارری مریم اورنگزیب ، بُنجاھی وزیر انوشہ رحمان ، وائس چانسلر جی سی یونیورسٹی پروفیسر ڈاکٹر حسن امیر شاہ ، صدر انڈونمنٹ فنڈز ٹرسٹ جی سی یو نیورسٹی اقبال زیڈ ایم ، سیکرٹری ڈاکٹر خالد بٹ ، فیکلٹی ممبر ، ڈونرز ءُُ نودربر آنی مزنیں کساس ءِ اے موہ ءِ سر ءَ ساڑی اتنت۔ مزن وزیر ءَ گوشت کہ زھینیں نودربر آنی واستہ انڈومنٹ فنڈ ٹرسٹ ءِ برجائی ءِ یونیک ایں کوشست اِت ءُُ اے گامگیج ءِ رد ءَ داد پیش کناں، حکومت ءِ کار آسراتی پُجاری کنگ انت بلے ھرچی آسراتی پُجاری کنگ بیت آ جیڈھ آنی واستہ کمو اَنت ایشی ءِ واستی فنڈ آنی برجائی کجام ھم داد ءَ چہ کم نہ اَنت، آئی ءَ گوشت کہ گورنمنٹ کالج یونیورسٹی کساس 150سال ءَ چہ کوالٹی ایجوکیشن پُجار کنگ ءَ اِنت ءُُ سوسائٹی ءِ تہ ءَ مٹی آرگ ءَ المی ایں کرد ءِ پیلو کنگ ءَ اِنت ءُُ امیت اِنت کہ اے کوالٹی ایجوکیشن پُجارینگ ءِ رچ یک شل ءَ جاڑی دارگ بیت۔
