اسلام آباد۔ 13 مئی (اے پی پی) بُنجاھی وزیر اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ رسانکی راج ءِ نیما ءَ ایمنی ءُُ برجائی ءِ دیمروئی ءُُ وت مہ وتی گستائی آناں کم کنگ ءِ جوانیں وسیلگ ءِ سہرا بیت کنت، توامیں ملک جیڈھ آنی گیواری ءُُ ایمنی ءِ واھشت مند اِنت، زرّباری ایشیا ءِ ودوکیں آباتی، نمبگ ءُُ ناسی چیلنج آنی گوما دیم پہ دیمی اِنت، پاکستان ءَ میڈیا پیسر ءَ چہ زیات آزات ءُُ جوان اِنت، دیم پہ دیمیں چیلنجز آنی بابت ءَ راجدپتیں کامیاتی در جتگ اَنت، دروگیں ءُُ بٹاکیں ھال آنی چیلنجز آں چہ حکومت ءُُ میڈیا سوگو اِنت، پاکستان ءِ میڈیا چارمی بُن پادگ ءِ کرد ءَ پیلو کنگ ءَ اِنت، اسیں دور ءَ سوشل میڈیا ءَ را ڈلگچار کنگ نہ بیت، پاکستان ءَ 10جمہوریت یک شل ءَ سرجم بوھگ ءَ اِنت، جمہوریت ءِ برجائی میڈیا ءَ را گیش برجا ئیں کرد پیلو کنگ ءَ جونیں کمک کنت۔ پاکستان ءَ ناشرکاری ءِ ھلاپ ءَ جنگ ءَ بے دروریں کربانی داتگ، اھوال آں تاں سر بوھگ ءِ واستہ حکومت ءَ اھوال آں تاں سر بوھگ ءِ کانود ھم پارلیمنٹ ءَ چہ منظور کنائینتگ ایشی ءِ رولز آیوکیں لستیں روچ ءَ نوٹیفائی ءُُ انفارمیشن کمیشن ءِ جوڑ کنگ ءِ واستہ سمری مزن وزیر ءَ را روان دیگ بوتگ، میڈیا دو ملک آنی نیام ءَ رابطہ ءُُ السی تک ءَ ھم کلیتی کرد پیلو کنگ ءَ اِنت، کانفرنس ءَ شریک میاں اوستمانی نیوز ایجنسیز کانفرنس ءِ وسیلگ ءَ بے دروریں لیککہ آں چہ سیت مند بنت، دُگنیا ءِ جتا جتائیں ملک آں چہ آیوکیں نماھندگ کانفرنس ءَ پاکستان ءَ را نزیک ءَ چہ چار اں۔ آ ھال رسانکی ادارگ آنی نیام ءَ شریکداری ءِ کار رپک ءِ دیمرؤی ءِ واستہ ’’پاکستان ءِ میڈیا: موہ ءُُ چیلنجز‘‘ ءِ بن گپ ءِ دو روچی ’’ انٹرنیشنل کانفرنس آف نیوز ایجنسیز‘‘ (آئی سی این اے) ءِ بنگیجی مراگش ءَ گوں گشتانک دیگ ءَ اَت۔
