لاہور۔ 13 مئی (اے پی پی)مزن وزیرشاہد خاقان عباسی ءَ برآمد کنوک آنی سر ءَ زور پر دات ملکی دیمروئی ءِ واستہ برآمد آنی تہ ءَ گیشی کنگ لوٹ ایت، میاں اوستمانی منڈی آنی ھمکچ بوھگ ءِ درگت ءَ شاھیگانیں ازم اَست۔ آئی ءَ اے گپ یک شمبے ءِ روچ ءَ لاہور چیمبر آف کارمرس ءِ اچیومنٹ ایوارڈ ءِ مراگش ءَ گشتانک دیان ءَ کت انت۔ مزن وزیر ءَ گوشت کہ حکومت ءَ تاجریں برات ءُُ سرمایہ کار آنی گوما کتگیں سوگند پورا کتگ اَنت ءُُ آوانی لوٹ آناں سرجم کتگ ءُُ نوں ایشانی سر ءَ زمہ واری اِنت کہ اا دیم ءَ بہ جُنز اَنت ءُُ وتی کرد ءَ پیلو بکن اَنت ءُُ برآمد ات ءِ پڑ ءَ 40 ارب ڈالر ءَ چہ گیش 100 ارب ڈالر ءَ تاں بر آں۔ مزن وزیر ءَ سوداگر آنی سر ءَ زور پر دات کہ آ سامان ءِ آرگ ءِ پڑ ءَ حکومت ءَ را ملکی برآمدات ءِ تہ ءَ گیشی ءِ واستہ گامگیج بہ ٹھین اَنت۔ آئی ءَ گوشت کہ برآمد کنوک آنی واستہ جار جتگیں آسراتی آنی نتیجگ دیم ءَ پیداک اَنت ءُُ برآمد ءِ پڑ ءَ گیشی بوت کنت۔ آئی ءَ گوشت کہ الیکشن جولائی ءَ بنت۔ امیت اِنت کہ کجام ھم حکومت کئیت پالیشی جاڑی بنت۔ آئی ءَ گوشت کہ برآمد کنگ ءِ پڑ ءَ گیشی ءِ سبب ءَ کاروبار آمدن ءِ تہءَ گیشی بیت۔ مزن وزیر ءَ گوشت کہ حکومت ءَ توان کمیگ دور کنگ ءِ واستہ وتی زمانگ ءَ توان ءُُ گیس ءِ کارخانہ جتگ۔
