سرڈگاری اُرد ءِ سروک ءِ سول انتظامیہ ءَ را زوت ریلیف ءُُ ریسکیو ءِ کاروائی ءِ واستہ ھمک رنگ ءِ کمک پُجاری ءِ پنت ءُُ شون
راولپنڈی۔ 13 مئی (اے پی پی) سرڈگاری اُرد ءِ سروک جنرل قمر جاوید باجوہ ءَ وادی نیلم ءَ پل ءِ پرشگ ءِ واکیہ ءَ گران بھائیں کودکیں بنی آدم آنی جانی تاوان ءِ پد ءَ دلپدردی ءِ درشان کت۔ یک شمبے ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ سر ڈگاری اُرد ءِ سروک ءَ سول انتظامی ءَ را زوت ریلیف ءُُ ریسکیو کاروائی ءِ واستہ ھمک رنگ ءِ کمک ءِ پُجاری ءِ پنت ءُُ شون کت۔ پاک اُرد ءِ ریسکیو ءُُ کمکی جھد جاڑی اَنت ءُُ ایس ایس جی ءِ ھاسیں اُژناگ کنوک آنی ٹیمب سرچ آپریشن ءِ واستہ روادگ کنگ بوتگ اَنت۔ پاک اُرد ءِ دستہ ڈاکٹرز ءُُ پیرا میڈیکل سٹاف ءِ ھمبراہ واکیہ ءِ جاھ ءَ پُج اِتگ اَنت۔ پاک اُرد ءِ دو ہیلی کاپٹرز ءُُ ایس ایس جی ءِ ھاسیں اُژناگر موہ ءِ سر ءَ ساڑی اَنت۔ آئی ایس پی آر ءِ رد ءَ شاہ کوٹ ءَ چہ مظفر آباد ءَ تاں ہیلی کاپٹر ءِ وسیلگ ءَ کمکی کاروائی آنی ساھت ءَ 4لاش ءُُ 11ٹپیگ آناں ڈن ءَ در کنگ بوتگ۔
