اسلام آباد۔ 13 مئی (اے پی پی) نیوز ایجنسیز آنی میاں اوستمانی کانفرنس ءِ تہ ءَ کلانہ ایں اھوالکار آں نامینتگ کہ سوشل میڈیا ءِ سر ءَ بندش کنگ ممکن نہ اِنت پدا ھم ایشی ءِ جوانیں کارمردی ءَ را دل یکمی کنگ ءِ واستہ کورس ءِ تہ ءَ ھوار کنگ، ریاست ءِ تک ءَ نگرانیں ادارگ ءِ کرد ءُُ میاں اوستمانی تک ءَ یک فورم ءِ بہ بیت، سوشل میڈیا آھودا ھرابیں مول ءُُ مراد ءُُ پروپیگنڈھ آنی واستہ کارمرد بیت آھودا ایشی ءِ شنگ ءُُ تالانی ءِ واستہ کاری ھم المی ایں بھر اِت۔ یک شمبے ءِ روچ ءَ ایسوسی ایٹڈ پریس آف پاکستان (اے پی پی) ءِ چیر دستی ءَ نیوز ایجنسیز ءِ دو روچی میاں اوستمانی کانفرنس ءِ دومی سیشن ءَ گوں گشتانک دیان ءَ کت کلانہ ایں اھوال کار ضیاء الدین ءَ گوشت کہ سوشل میڈیا ءِ کارمردی ھما جاھ ءَ جوانیں مول ءُُ مراد آنی واستہ بیت آھودا اے پروپیگنڈہ ءِ واستہ وتاس ءِ رنگ ءَ کارمرد بیت کنت ءُُ ایشی ءِ وسیلگ ءَ چیز آناں راستیں رپک ءَ پیش کنگ نہ بیت، ایشی ءِ وسیلگ ءَ ردیں اھوال ھم پُجاری کنگ بیت، یک دیمروئی کنوکیں ملک ءِ بوھگ ءَ ابید 2016ءِ امریکی صدارتی گچین کاری ءَ ایشی ءِ کارمردی یک دروری اِت۔ اسلامک انٹرنیشنل یونیورسٹی اسلام آباد ءِ ڈیپارٹمنٹ آف میڈیا اینڈ کمیونیکیشن سٹڈیز ءِ چیئر مین ڈاکٹر ظفراقبال ءَ گوشت کہ سوشل میڈیا ءَ بازیں وھد ءَ ارزشتی ایں اھوال ھم رس انت پدا ھم ایشی ءِ یک راجدپتری بھر ءِ ھم است اِنت ایشی ءِ سر ءَ باز ترس اِنت، اے پروپیگنڈھ ءِ یک ٹوھیں وسیلگ ءِ جوڑ بوتگ ایشی ءِ وسیلگ ءَ سیویلائزیشن، چاگرد ءُُ انڈیویجول رنگ ءَ ھم پروپیگنڈہ کنگ بیت، اے میڈیا گوشے ایوک ءَ اھوال آنی وسیلگ اِنت پدا ھم مرچ ءُُ مسالہ جنگ ءَ چہ ھرابیں برورد پیداک بیت۔
