چین ، انڈونیشیا ، آذربائیجان ، ایران ، رومانیہ ، اومان، بلغاریہ ، ترکی، مصر، قزاخستان ، لبتان ، سوڈان ، تیونس ، سعودی عرب و شام اتون اوار 17 ملک آتیان 22 مندوبین آتا شرکت
اسلام آباد۔ 13مئی (اے پی پی) اقوام عالم اٹ پاکستان نا گچین دروشم ءِ تالان کننگ و ذرائع ابلاغ نا پڑ اٹ مون تروک چیلنج آتون مون تننگ کن خبر رساں ادارہ غاتا نیام اٹ شریداری ءِ مون آ دننگ کن 2دے ئی ’’انٹرنیشنل کانفرنس آف نیوز ایجنسیز‘‘ (آئی سی این اے‘ یک شنبے نادے آ بناء کرے۔ کانفرنس اٹی چین، انڈونیشیا ، آذربائیجان ، ایران، رومانیہ ، اومان، بلغاریہ ، ترکی، مصر ، قزاخستان، لبنان ، سوڈان، تیونس ، سعودی عرب و شام اتون اوار 17 ملک آتیان 22مندوبین آک شریک ءُ۔ کانفرنس نا سرحال ’’پاکستان نا میڈیا: وارخوائی و چیلنج آک ‘‘ ءُ۔ ہراٹی خبررساں ادارہ غاتے کن مون آ بروک آ کسبی چیلنج آتیا خصوصی چکار کننگانے۔ کانفرنس نا ایسری سیشن (اینو) دوشنبے نادے آ مریک۔ یک شنبے نادے اقوام عالم اٹ پاکستان نا گچین دروشم ءِ تالان کننگ و ذرائع ابلاغ نا پڑ اٹ مون تروک چیلنج آتون مون تننگ کن خبررساں دارہ غاتا نیام اٹ شریداری نا مون آدننگ کن 2دے ئی’’انٹرنیشنل کانفرنس آف نیوز ایجنسیز‘‘ (آئی سی این اے‘ نا باقاعدہ بناء مس۔ بنجائی وزیر اطلاعات و نشریات مریم اورنگزیب کانفرنس نا باقاعدہ بناءِ کرے۔ مندوبین آتے ٹی آذربائیجان اسٹیٹ نیوز ایجنسی نا چیف کارسپانڈنٹ میلی کووا کیزی گونل، آذربائیجان نا’’استقلال ڈاٹ اے زیڈ‘‘ انا ہیڈ آف ڈیپارٹمنٹ آف انفارمیشن ممادوالاچن، بلغارین نیوز ایجنسی نا ڈائریکٹر ویڈیو نیوز بریانکا دمتروا، چائنہ ڈیلی ڈاٹ سی این نا ڈپٹی ایڈیٹر انچیف لی جن، چائنہ ڈیلی ڈاٹ کام ڈاٹ سی این نا ڈپٹی ڈائریکٹر آف اسٹریٹجک کوآپریشن ڈیپارٹمنٹ لیو یوشا، مصر انا مڈل ایسٹ نیوز ایجنسی نا ایڈیٹنگ منیجر رداسید احمد عباس الشیز لی، ایران نا اسلامک ری پبلک نیوز ایجنسی (ارنا) نا ایڈیٹر انچیف فردین پازویکی و مہر نیوز ایجنسی ناڈومیسٹک نیوز جنرل ڈائریکٹر محمد مہدی رحیمی، قزاخستان ناکازن فارن انٹرنیشنل نیوز ایجنسی نا جنرل ڈائریکٹر عسکر امروف، لبنان نانیشنل نیوز ایجنسی ناجنرل ڈائریکٹر سلائیمان لاوری، اومان نیوز ایجنسی نا ڈائریکٹر جنرل و ایڈیٹر انچیف محمد الاریمی، رومانین نیشنل نیوز ایجنسی ناڈپٹی جنرل ڈائریکٹر نیکولائی کلاؤڈیا وکٹوریا، سوڈان نا سونا نیوز ایجنسی نا ایڈیٹر محمد عثمان، شام اناثنا نیوز ایجنسی ناہیڈ آف انگلش ڈیپارٹمنٹ محمد ماذن عیون، تیونیسین نیشنل نیوز ایجنسی نا ڈائریکٹر آف ایکسٹرنل ریلیشن ایلوئی چاؤکی وترکی نااناطولیہ نیوز ایجنسی ناانٹرنیشنل نیوز چیف ایڈیٹر فاروق توکات، انڈونیشیا نا’’انتارا‘‘ نیوز ایجنسی ناسینئر نیوز ایڈیٹر ایلسوان ایزلی‘ سعودی عرب نایونین آف او آئی سی نیوز ایجنسی نانیوز ایڈیٹر الصادق بشیر بابا کیر ہارون‘یونان ناایتھنز میسی ڈونین پریس ایجنسی ناصدر و چیف ایگزیکٹو میچل سائی لوس، و اے ای ناخبر رساں ادارہ وام انا محمود انصاری اوار ءُ ۔ پاکستان نا 70 می سال دے انا وخت آ اڈ ہلوک آ کانفرنس نا بشخ ہلوک آتے ذرائع ابلاغ نا پڑ اٹ داوخت انا چیلنج آتیا سجفنگ و دابابت حکمت عملی اس جوڑ کننگ نا موقع ملانے۔ قومی سلامتی نا سلاہکار لیفٹیننٹ جنرل (ر) ناصر خان جنجوعہ بشخ ہلوک آتے جہانی و علاقائی امن اٹی پاکستان نا کڑد انا بابت سرجمی اٹ معلومدار کرے۔ اوسلائیڈز نا کمک اٹ پاکستان نا چندی بشخ آتے ٹی دوئی مروک آ سرسہبی خاص کر دہشت گردی نا برخلاف جنگ اٹ سرسہبی، ملک انا گچین دروشم ءِ تالان کرے۔ کانفرنس نا بناءِ کننگ آن پد اولیکو سیشن اڈ ہلک ہراٹی سوشل میڈیا و خبر رساں ادارہ غاتا کڑد آ خصوصی پینل نا باسک و مندوبین آک خیال آتا درشانی ءِ کریر۔ سینئر صحافی و میڈیا پروفیشنلز آ تالان خصوصی پینل اٹی ضیاء الدین ، ڈاکٹر جبار، مفتی جمیل احمد و پروفیسر ظفراقبال ئسک ہم ساڑی ئسر۔ بشخ ہلوک آک سوشل میڈیا نا مثبت و منفی پلو آتیا ہیت وگپ کرسا داچرجوئی ٹی میڈیا نا زمواری و کڑد ءِ مون آ تخار۔ اولیکو دے انا ارٹ میکو و آخریکو نشست اٹی ڈیجیٹل دور اٹی خبر رساں ادارہ غاتا کڑد و تین پہ تینی کمکاری نا سرحال آ مسکوہی بنجائی وزیر اطلاعات جاوید جبار نا کماشی ٹی سیشن اڈ ہلک ہراٹی سینئر صحافی منیر احمد، معظم ہاشمی و شفیق احمد قریشی ئسک اوار ئسر۔ اینو(دوشنبے نادے) آ کانفرنس نا ارٹ میکو و آخریکو دے انا اولیکو نشست اٹی چین اقتصادی راہداری (سی پیک) و میڈیا نا کڑد انا سرحال آ کلیدی ترانکارآک خیال آتا درشانی ءِ کیرہ۔ کانفرنس نا آخریکو نشست (دوشنبے نادے) آ اڈ ہلیک۔
