اسلام آباد۔ 13 مئی (اے پی پی) منیجنگ ڈائریکٹر ایسو سی ایٹڈ پریس آف پاکستان (اے پی پی ) مسعود احمد ملک ءَ گوشت کہ نوکیں ءُُ سٹیٹ آف دی آرٹ ٹیکنالوجیز کمیونیکیشن سسٹم ءِ سبب ءَ دُگنیا ترندی ءَ گوں گلوبل ویلج ءِ رنگ ءَ مٹ بوھگ ءَ اِنت، اے ڈیجیٹل زمانگ ءَ رسانکی در ءَ ھوار زندمان ءِ ھمک شوبگ ءَ آشوبی مٹ ءُُ بدلی گندگ بوھگ ءَ انت، دُگنیا ءَ نیوز ایجنسیز آنی واستہ اے جاوار آنی تہ ءَ ایسوسی ایٹڈ پریس آف پاکستان ءَ ’’پاکستان ءِ میڈیا : موہ ءُُ چیلنجز‘‘ آنی ھوالگ ءَ دو روچی انٹرنیشنل کانفرنس آف نیوز ایجنسیز برجم داشتگ۔ اے پی پی آیوکیں باندات ءَ کشمیری، چینی ءُُ فارسی زبان ءَ سروسز، ڈیجیٹل نیوز ڈسپلے سکرینز ٹریننگ سروسز، میڈیا، ایجوکیشن فیسیلیٹیز ءُُ ھال آنی منوگری ءَ را گیش پراھ ءُُ شائیگان کنت اِنت۔ ایش ھال رسانکی دار آنی دیمروئی ءِ واستہ ’’پاکستان ءِ میڈیا: موہ ءُُ چیلنجز‘‘ آنی بُن گپ ءِ سر ءَ دو 2روچی ’’انٹرنیشنل کانفرنس آف نیوز ایجنسیز‘‘ (آئی سی این اے) ءَ گوں گشتانک دیگ ءَ اَت۔ کانفرنس ءِ بنگیج بُنجاھی وزیر ءِ اھوالکاری ءُُ شنگ کاری مریم اورنگزیب ءَ کت۔ راجی سلامتی ءِ مشیر لیٹفیننٹ جنرل (ر) ناصر خان جنجوعہ بنگیجی مراگش ءِ ھاسیں مہمان اَت۔ ادارکی سیکرٹری وزارت اھوالکاری ءُُ شنگ کاری شفقت جلیل‘ وزارت اھولکاری ءُُ شنگ کاری ءُُ اے پی پی ءِ کارندہ ھم اے موہ ءَ ساڑی اتنت۔
