اسلام آباد۔ 13 مئی (اے پی پی) ادارکی بُنجاھی سیکرٹری اھوالکاری ءُُ شنگ کاری شفقت جلیل ءَ گوشت کہ پاکستان ءَ اے وھد ءَ 100ءَ چہ گیش ٹی وی چینلز، 20ءَ چہ گیش ریڈیو سٹیشنز ، 2ہزار ءَ چہ گیش اھوالتاک ءُُ تاکبند است ایش الس ءِ اندر ءَ زانت آں سہرا کنگ جوانیں کرد پیلو کنگ ءَ اَنت، پاکستان ءِ کانود ءِ رد ءَ لیکہ ءِ درشانی ءِ آزاتیءُُ اھوالکاری ءَ تاں سرجمی ءَ سر بوھگ ، پاکستانی میڈیا ساؤتھ ایشیا ءَ برجائیں میڈیا ءِ رنگ ءَ ازمت پیلو کنگ ءَ اِنت، پاکستان ءِ پریمیئر نیوز ایجنسی ءَ میاں اوستمانی نیوز ایجنسز کانفرنس ءِ وسیلگ ءَ جتا جتائیں ملک آنی میڈیا ہاؤسز آنی نماھندگ ءُُ پاکستانی اھوالکار آناں میڈیا ءَ را دیم پی دیمیں چیلنجز آنی بابت ءَ ھیال ریچی وت مہ وت کنگ ءِ موہ پُجارینتگ۔ آ ھال رسانکی ادارگ آنی نیام ءَ شریکی ءَ را دیمروئی ءِ واستہ ’’پاکستان ءِ میڈیا: موہ ءُُ چیلنجز‘‘ ءِ بُن گپ ءِ سر ءَ 2روچی ’’انٹرنیشنل کانفرنس آف نیوز ایجنسیز‘‘ (آئی سی این اے) ءَ گوں گشتانک دیان ات۔ کانفرنس ءِ بنگیج بُنجاھی وزیر اھوالکاری ءُُ شنگ کاری مریم اورنگزیب ءَ کت۔ راجی سلامتی ءِ مشیر لیٹفیننٹ جنرل (ر) ناصر خان جنجوعہ بنداتی مراگش ءِ ھاسیں مہمان اَت۔ ایم ڈی اے پی پی مسعود احمد ملک ‘وزارت اھوالکاری ءُُ شنگ کاری ءُُ اے پی پی ءِ کارندہ ھم اے موہ ءَ ساڑی اتنت۔ آئی سی این اے ءَ چین، انڈونیشیا، آذربائیجان، ایران، رومانیہ، اومان، بلغاریہ، ترکی، مصر، قزاخستان، لبنان، سوڈان، تیونس، سعودی عرب ءُُ شام ءَ ھوار 18 ملک آں چہ 22 نماھندگ شیریک انت۔
